नेपाली अधिकारकर्मी डा. बिष्णुमायाको पहलमा महिला हिंशाबिरुद्ध अमेरिकन महिला रातो सारीमा

2017-11-12 02:58

लैंगिक हिंशाबिरुद्ध ऐक्यबद्धता जनाउन शनिबार अमेरिकाको न्युजर्सीमा अमेरिकन महिलाहरुसमेत रातो सारीमा देखिए । न्युजर्सीमा रहेको स्वास्थ्य संस्था ‘केयर पोइन्ट’ अन्तरगत ‘हड्सन स्पीक्स’ले संचालन गरेको ‘बोलो बहन’ अभियानका क्रममा आयोजित ‘रेड सारी इभेन्ट’मा महिलाहरु रातो सारीमा उपस्थीत भएका हुन् । न्युजर्सीको हड्सन काउन्टीमा घरेलु र यौनहिंशाको शिकार भएका दक्षिण एसियाली महिलाहरुलाई निशुल्क सेवा प्रदान गर्ने उदेश्यले स्पीक सिस्टर अर्थात् ‘बोलो बहन’ अभियान संचालन गरिएको हो ।

हिन्दी, बंगाली, अँग्रेजी लगायतका भाषामा सेवा सुरु गरिएकोमा अब नेपाली भाषामा समेत सेवा विस्तार गरिएको छ । घरेलु र यौनहिंशामा परेका नेपाली महिलाहरुलाई निशुल्क सहयोग गर्ने उद्देश्यले यो अभियान सुरु गरिएको हो । अभियानको आउटरिज कोअर्डिनेटर डाक्टर बिष्णुमाया परियार हुनुहुन्छ । उहाँकै पहलमा रातो सारी इभेन्टको आयोजना गरिएको हो । कार्यक्रममा न्युजर्सी र न्युयोर्कका नेपाली महिलाहरु रातो सारीमा उपस्थीत भएका थिए ।

अस्वीन थापाले संचालन गरेको औपचारिक कार्यक्रममा बोलो बहन अभियानकी आउटरिच कोअर्डिनेटर डाक्टर बिष्णुमाया परियारले स्वागत मन्तब्य दिनुका साथै कार्यक्रमको उद्देश्यबारे स्पष्ट पार्नुभएको थियो । यौनहिंशाबिरुद्ध हड्सन स्पीककी कार्यक्रम निर्देशक नास्तासिया फ्लेश्चरले कार्यक्रममा सहभागी सबैलाई धन्यावाद दिनुभयो । कार्यक्रममा डाक्टर सामिना मिर्जा, साहित्यकार गिता खत्री लगायतले बोल्नुभएको थियो भने शकुन्तला ज्ञवालीले कविता वाचन गर्नुभएको थियो ।

कार्यक्रममा सिम्रन अधिकारीको नृत्य रोचक थियो । त्यस्तै सीबीसी बैंकका प्रेसिडेन्ट तथा सीईओ थोमस कफलिन , जर्सी सिटीका काउन्सीलवुमन एट लार्ज जोयस वाटरम्यान, वुमन फर कजकी अध्यक्ष गीता उमा पोखरेलले समेत बोल्नुभयो । कार्यक्रममा महिला हिंशाबिरुद्ध बोल्न प्रेरित गर्ने बोलो बहन प्रोमो समेत देखाइएको थियो ।

    Comment Here!


सम्बन्धित समाचार

View All