बझाङ बसपार्कमा पार्किङको समस्या

2017-12-15 10:26

बझाङ, २९ मंसिर ।
जिल्लाको सिमखेतमा रहेको एक मात्र बसपार्कको उचित ब्यवस्थापन हुन नसकेपछि यतिखेर गाडी पार्किङ गर्न निकै समस्या भएको छ ।
विभिन्न यातायातका बस तथा मिनिबसहरु दिनहु थपिन थालेपछि बसपार्क साँघुरो हुदै जादा पार्किङको समस्या भएको जानकारी प्राप्त भएको छ । साँघुरो बसपार्कमा गाडी पार्किङ गर्न समस्या भएपछि चालकहरु सडक किनारमै गाडी पार्किङ गर्दे आएका छन्
कुनै पनि निकायद्धारा बसपार्कको ब्यवस्थापनमा ध्यान नजादा साँघुरो बसपार्कमा जेनतेन गाडी पार्किङ गर्नु परेको यातायात ब्यवसायीहरु बताउछन् । यातायात ब्यवसायीद्धारा स्थानीयको निजि जमिन भाडामा लगी संचालन हुदै आएको सो बसपार्कमा गाडीको चाप बढेपछि पार्किङ गर्न समस्या भएको यातायात ब्यवसायी जिवन खड्काले बताए ।
साँघुरो तथा कच्ची बसपार्कमा यतिखेर पवनदुत, मालीका, साईपाल लगाएतका डिलक्स लगाएतका गाडीहरु निकै कठिनाई झेल्दै पार्किङ गर्न थालेका छन् । अव्यवस्थित बसपार्कमा गाडी पार्किङ गर्दा एक आपसमा ठोकिने तथा साइड लगाउन नसकिने समस्या भएको चालकहरु बताँउछन् ।
गाडीहरुको चापले बसपार्क साँघुरो भएपछि यात्रुहरुलाई गाडी चढ्न र झर्न समेत असहज हुने गरेको देखिन्छ । कच्ची बसपार्कमा वर्षादको समय हिलाम्य हुने भएकाले गाडी चिप्लेर ठोकिने सम्भावना रहेको चालकहरु बताउछन् ।
बसपार्कको समस्यालाई मध्यनजर गर्दै यस आर्थिक वर्षमा सम्पन्न हुने गरी बाउलीगाड किनारमा नयाँ बसपार्क निर्माण हुन थालेको बझाङ स्थित जयपृथ्वी नगरपालिका कार्यालयले जनाएको छ ।
“बसपार्क साघुरो छ त्यसैले पार्किङको समस्या भएको हो दिनहु नयाँ गाडीहरु थपिन थालेका छन यस प्रति कसैको ध्यान गएको छैन् यातायात ब्यवसायीहरुले बताउछन” बझाङमा यतिखेर कर्णाली रिभर, महाकाली, सुदुरपश्चिम, उग्रतारा, पवनदुत साईपाल डिलक्स लगाएतका बस तथा मिनिबसहरु दिनहु संचालनमा आएका छन् ।
भाडामा संचालन हुदै आएको बसपार्कमा पार्किङको समस्या हुदा पनि आफुहरुले कर तिर्नु पर्ने बाध्यता रहेको यातायात ब्यवसायीहरुको गुनासो रहेको छ ।
पार्किङको मात्र नभई खानेपानी शौचालय को पनि बझाङ बसपार्कमा उतिकै समस्या देखिएको छ । पिउने पानीको अभाव भएपछि बसपार्कमा आउने यात्रुहरु बाउलीगाडको धमीलो पानी पिउन बाध्य छन् । यात्रु प्रतिक्षलय नहुदा बसपार्कमा आउने यात्रुहरु होटेल तथा रुखको छहारी मुनी बस्न बाध्य भएका छन् । सरोकारवाला निकायले समयमै बसपार्क ब्यवस्थापनमा ध्यान दिनु पर्ने स्थानीयहरुको माग रहेको छ ।

    Comment Here!


सम्बन्धित समाचार

View All