ढाकामा तराई–पहाड–पर्वत तस्बिर प्रदर्शनी

2017-12-16 13:51

काठमाडौँ, १ पुस । ढाकास्थित नेपाली राजदूतावास र बांगला माउन्टेनरिङ एण्ड ट्रेकिङ क्लबको संयुक्त आयोजनामा शुक्रबार ढाकामा तराई– पहाड–पर्वत विषयक तस्बिर प्रदर्शनी आयोजना गरियो ।

बंगालदेशका लागि नेपाली राजदूत डा चोपलाल भुषाल र त्यहाँका प्रसिद्ध कलाकार कनकचम्पा चक्माले प्रदर्शनीको संयुक्तरुपमा शुभारम्भ गर्नुभएको ढाकास्थित नेपाली राजदूतावासले आज जनाएको छ ।

जलवायु परिवर्तनको जोखिममा रहेको दक्षिण एशियालाई त्यसका नकारात्मक असरबाट जोगाउन सचेतना अभिवृद्धि गर्ने उद्देश्यका साथ आयोजित उक्त प्रदर्शनीमा राजदूत भुषालले प्रकृति माताले दिएका स्रोतसाधन भावी पुस्ताका लागि जोगाउनुपर्नेमा जोड दिनुभयो ।

उक्त दूतावासका अनुसार सगरमाथासहित पाँचवटा उच्च हिमाल आरोहणका क्रममा १३ जना बंगालादेशी पर्वतारोहीले खिचेका तस्बिर प्रदर्शनीमा समावेश गरिएको छ । प्रदर्शनी भोलि आइतबारसम्म जारी रहनेछ ।

    Comment Here!


सम्बन्धित समाचार

View All