अफगानिस्तानमा आइएसका २० लडाकु मारिए

2018-01-07 13:46

अफगानिस्तानको पश्चिमी प्रान्त फराहमा अफगान सेना नेतृत्वको संयुक्त सुरक्षा फौजले गरेको हवाई कारबाहीमा परी इस्लामिक स्टेट का तीन कमाण्डरसहित २० जनाको ज्यान गएको छ।

शनिबार अपराह्न ती लडाकु मारिएका भए पनि अफगानिस्तानको रक्षा मन्त्रालयले आइतबार प्रकाशन गरेको विज्ञप्तिमा सो जानकारी दिइएको हो। फराह प्रान्तमा लुकेर बसेका लडाकुहरुलाई लक्ष्य गरी शनिबार गरिएको कारबाहीका क्रममा उनीहरु मारिएको विज्ञप्तिमार्फत जनाइएको छ।

अफगान सेनाको पूर्वी क्षेत्रका एक प्रवक्ता सिरिन अक्वा फाक्विरीले सिन्ह्वा समाचार समितिलाई बताए अनुसार, आक्रमणमा मारिनेमा मावलावी तुराब र मुसा खान नामका दुई जना कमाण्डर लडाकु रहेका छन्। उनीहरुले सो क्षेत्रमा आइएस संगठनको नेतृत्व गर्दै आएका बताइएको छ।

कारबाहीका क्रममा सशस्त्र समूहले प्रयोग गरिरहेका केही सवारीसाधन र हातहतियार पनि बरामद गरिएको समाचारमा उल्लेख गरिएको छ। -रासस÷सिन्ह्वा_

    Comment Here!


सम्बन्धित समाचार

View All