स्वाधीन र बलियो प्रदेश निर्माण गर्न महोत्सव

2018-01-08 22:22

SAMSUNG CAMERA PICTURES

पुस २४, नेपालगन्ज ।
संघिय संरचना अन्तर्गतका प्रदेशलाई स्वाधीन र समृद्ध बनाउन भन्दै नेपालगन्जमा प्रादेशीक महोत्सव हुने भएको छ । नेपाल उद्योग वाणिज्य महासंघ सचिवालयमा पत्रकार सम्मेलन गर्दै नेपालगंज उद्योग वाणिज्य संघले माघ ११ गतेबाट नेपालगन्जमा प्रादेशीक महोत्सव गरिने जानकारी दिएको छ ।
महोत्सवको आम्दानीबाट संघलाई नेपाल सरकारबाट भोगाधिकार प्राप्त १० विगाह जमिनमा वहुउद्देशिय सभा–गृह तथा प्रदर्शनी स्थलको सहयोर्गाथ महोत्सव आयोजना गर्न लागिएको पत्रकार सम्मेलनमा बितरित बिज्ञप्तीमा उल्लोख गरिएको छ ।
पत्रकार सम्मेलनमा बोल्दै नेपालगन्ज उद्योग बाणिज्य संघका अध्यक्ष नन्दलाल बैश्यले प्रदेशभित्र थप नयाँ उद्योग व्यवसायलाई विकसित गर्दै स्वाधीन र बलियो प्रदेश निर्माण गर्न महोत्सव आयोजना गर्न लागिएको बताउनुभयो । उहांले प्रदेशको अर्थतन्त्रलाई आत्मनिर्भर बनाउने महोत्सवको मुख्य उद्देश्य रहेको समेत बताउनुभयो ।
महोत्सवलाई सफल बनाउन संघका अध्यक्ष तथा प्रादेशिक महोत्सव–२०७४ को संयोजक नन्दलाल वैश्यको संयोजकत्वमा ७ सय ५१ सदस्यीय मुल आयोजक समिति तथा २२ वटा उप–समिति समेत गठन गरिएको पत्रकार सम्मेलनमा जानकारी दिईएको थियो ।पत्रकार सम्मेलनलाई महासंघको मेला समितिका सभापति दिलसुन्दर श्रेष्ठ, नेपालगंज उद्योग वाणिज्य संघका निवर्तमान अध्यक्ष कृष्ण प्रसाद श्रेष्ठ, संघका अध्यक्ष नन्दलाल वैश्य तथा संघका पदाधिकारीहरुले संवोधन गर्नुभएको थियो ।

 

    Comment Here!


सम्बन्धित समाचार

View All