जापानका नेपाली बाम पनि एक हुंदै

2018-01-09 21:39

जापान (टोकियो)।
नेपालमा माओबादी केन्द्र र नेकपा एमाले बिच एकताको प्रक्रिया सुरुभएसंगै जापानमा रहेका नेपाली बामपन्थीहरुले पनि एकताको अभियान सुरु गरेकाछन् ।
आजको आवश्यकता, बिकास र समृद्धिका लागि बाम एकता भन्ने मुल नाराकासाथ एमाले भातृ संगठन नेपाली प्रवासी मञ्च र माओबादी केन्द्रको भातृ संगठन नेपाली जन प्रगतिशिल मञ्चले जापानको टोकियोमा संयुक्तरुपमा  आयोजना गरेको शुभकामना कार्यक्रममा बोल्ने वक्ताहरुले जनताले एकिकृत कम्युनिष्ट पाटीका पक्षमा मत दिएकाले जनताको मतको कदर गर्नुपर्ने धारणा राखेका थिए । उनीहरुले ५ वर्ष स्थिर सरकार चलाउन र मुलुकलाई बिकास र समृद्धि तर्फ लैजाने जनताको भावना रहेकाले बामनेताहरु जनताको भावना बिपरित जान नहुने बताएका थिए ।
कार्यक्रममा बोल्दै नेपाली दुतावासका उपनियोग प्रमुख कृष्णचन्द्र अर्यालले देशबिदेशमा रहेका नेपालीहरुको साझा चिन्ता नै देशको समृद्धि रहेको बताउनुभयो ।

उहांले संबिधान निर्माण तथा स्थानीय तह र प्रदेश तथा प्रतिनिधिसभा निर्वाचन दलहरुको सहमतीले नै सम्भव भएको भन्दै देशको समृद्धिमा पनि दलहरुबिच एकता कायम रहने बिश्वास ब्यक्त गर्नुभयो ।
कार्यक्रममा बोल्दै जन प्रगतिशिल मञ्चका अध्यक्ष हवलचन्द्र लामाले जनताको जनादेशबाट नेपालले नयां युगमा प्रवेश गरेको बताउनुभयो । उहांले प्रचण्ड र केपी ओलीको एकताको कदमलाई साहसिक कदम भन्दै एकतालाई अन्तिम गन्तब्य सम्म पु¥याउनुपर्ने बताउनुभयो ।
कार्यक्रममा जनकलाकार चेतन सापकोटा लगायत अन्य कलाकारहरुले जनसंगित समेत प्रस्तुत गरेका थिए ।

    Comment Here!


सम्बन्धित समाचार

View All