म्यानचेस्टर सिटी लिग कपको सेमिफाइनलको पहिलो लिगमा विजयी

2018-01-10 11:33

काठमाडौं, २६ पुस । म्यानचेस्टर सिटी लिग (काराबाओ) कप फुटबलको सेमिफाइनलको पहिलो लिगमा विजयी भएको छ ।

घरेलु मैदानमा गएराति भएको सेमिफाइनलको पहिलो लेगमा प्रिमियर लिग लिडर म्यानचेस्टर सिटीले च्याम्पियनसिप क्लब ब्रोस्टोल सिटी २–१ को माथि संघर्षपूर्ण जित निकालेको हो । ४४ औँ मिनेटमा पाएको पेनाल्टीको अवसरलाई सदुपयोग गर्दै बबी रेइडले गोल गरेपछि पहिलो हाफमा भ्रमण टोली ब्रिस्टोलले अग्रता लियो । तर ५५ औं मिनेटमा केविन डि ब्राउनले पेप गार्डिवलाको टिम म्यानचेस्टर सिटीका लागि बराबरी गोल फर्काए । निर्धारित समयसम्म बराबरी रहेको खेलमा इन्जुरी समयको दोस्रो मिनेटमा सर्जियो अग्युरोले सुन्दर गोल गर्दै म्यानचेस्टर सिटीलाई २–१ को महत्वपूर्ण जित दिलाए । म्यानचेस्टर युनाइटेडलाई हराएर सेमिफाइनलमा स्थान बनाएको ब्रिस्टोल सिटीले सेमिफाइनलको पहिलो लेगमा अर्को म्यानचेस्टर क्लबलाई पनि कडा चुनौती दिएको हो । दोस्रो लिग जनवरी २३ मा ब्रिस्टोलको मैदानमा हुनेछ ।

    Comment Here!


सम्बन्धित समाचार

View All