फेरी भाका सार्यो एयर एसियाले 

2018-01-11 16:16

काठमाडौं, २७ पुस । इन्सेन्टिभ गु्रपले त्रिभुवन बिमानस्थललाई तिर्नुपर्ने बक्यौता रकमको भाका पुन २ महिना पर सारेको छ । मलेसियन वायुसेवा कम्पनी एयर एसिया एक्सको नेपालका लागि आधिकारिक टिकेटिङ कम्पनी रहेको इन्सेन्टिभ ग्रुपले विमास्थललाई तिर्नुपर्ने बक्यौता रकम २३ करोड तिर्न पाएको गत पुस २३ गते (जनवरी ७ तारिख) आईतबारसम्मको अन्तिम म्याद सारेर फागुन १६ गते (फेबु्रअरी २८) पुर्याएको छ ।

त्रिभुवन विमानस्थल प्रशासनले गत पुस २३ गतेको म्याद अन्तिम अल्मिेटम भन्दै बक्यौता नतिरे २४ गते सोमबारदेखि उडान बन्द गर्ने चेतावनी दिए पनि एयरलाइन्सले फेरि म्याद सारेको छ ।

एयरलाइन्सका नेपाली एजेन्ट रहेका इन्सेन्टिभ गु्रपका सञ्चालक हरिभान लामाले नेपाल सरकारका विभिन्न निकायलाई तिर्ने शुल्क बिगत ३ वर्षदेखि नतिर्दा विमानस्थलले पाउनेपर्ने २३ करोड रकम रोकिएको विमानस्थल प्रशासनले जनाएको छ ।

प्रशासनका अनुसार ग्रुपले अहिलेसम्म ३ करोड ५० लाख रुपैयाँ मात्रै तिरेको छ । अबको दिएको अन्तिम म्यादमा समेत रकम तिर्न नसके आवश्यक कारबाही गर्ने प्रशासनले जनाएको छ ।

विमानस्थल कार्यालयकाअनुसार एयरलाइन्सले विमानस्थललाई तिर्नुपर्ने बिसान शुल्क (ल्याण्डिङ चार्ज), सञ्चार तथा उड्डयन सहायक सेवा (एयर नेभिगेसन), विमानस्थल विकास शुल्क, कोठा भाडा लगायतको शुल्क तिर्न बाँकी रहेको छ । त्यस्तै इन्सेन्टिभ गु्रप अन्तर्गतकै ट्राभल एजेन्सीले पर्यटन सेवा शुल्क बापत यात्रुबाट उठाएको रकमसमेत तिर्न बाँकी छ ।
प्राधिकरणले पुस २३ गते आईतबार विमानस्थललाई तिर्नुपर्ने पुरा २३ करोड नतिरे सोमबारबाटै उडान रोक्ने अन्तिम अल्मिेटम दिए पनि आईतबार अन्तिम समयमा आएर २ करोडको चेक र त्यसपछि डेढ करोड गरी साढे ३ करोड रुपैयाँ मात्रै भुक्तानीमा छाडेको छ ।
लामाको कम्पनीले विमानस्थललाई तिर्नुपर्ने रकमसँगै आफ्नो ट्राभल एजेन्सीले उठाएको नेपाल पर्यटन बोर्डलाई बुझाउनुपर्ने पर्यटक सेवा शुल्क वापतको ७ करोड २३ लाख रकम बाँकी रहेको बताइएको छ ।

एयर एसिया एक्स नेपालमा सन् २०१४ सम्म लगातार सात वर्ष उत्कृष्ट बजेट एयरलाइन्स बनेको थियो ।

 

    Comment Here!


सम्बन्धित समाचार

View All