गुल्मी मालीकामा आगलागि, घर जलेर दृष्टिविहिन दम्पत्ती घरवार विहिन

2018-01-13 14:42

पुस २९, गुल्मी । गुल्मीमा आगलागिबाट एक घर जलेर नष्ट भएको छ । मालिका गाउँपालिका वार्ड नम्बर २ दर्लिङ उनाम निवासी चन्द्र बहादुर श्रीसको घरमा बिहान ८ बजे आगलागि भएको हो । विद्युत सर्ट भई लागेको आगोबाट घरमा रहेका अन्नपात, खाद्यान्न तथा गरगहना जलेर नष्ट भएका छन् । आगलागिबाट करिब ५ लाख बराबरको क्षति भएको जनजागरण प्राथमिक विद्यालयका प्रध्यानाध्यापक युवराज बोहोराले जानकारी दिए । श्रीस आफैमा दृष्टिविहिन हुन् । उनकी श्रीमती मनिषा श्रीसको पनि एक हात छैन । घटनास्थलको बारेमा पौँदि अमराई प्रहरी चौकिलाई जानकारी गराएपनि घटनास्थलमा प्रहरी अझैसम्म पनि पुग्न सकेको छैन । प्रहरी घटनास्थलमा नपुगेकोले बृस्तृत विवरण आउन भने बाँकि छ ।

    Comment Here!


सम्बन्धित समाचार

View All