जाजरकोटमा फैलिएको भाइरल सिजनल फ्लु भएको पुष्टि

2018-01-14 12:05

जाजरकोट, ३०पुस । जाजरकोटको जुनीचाँदे गाउँपालिकामा तीन सातादेखि प्रकोपका रूपमा फैलिएको भाइरल इन्फ्लुएन्जा टाइप ए एचथ्रिएनटु अर्थात् सिजनल फ्लु भएको पुष्टि भएको छ। राष्ट्रिय जनस्वास्थ्य प्रयोगशाला टेकुले रोग पत्ता लगाएको हो। बिरामी पाँचमध्ये एक जनामा भाइरल इन्फ्लुएन्जा टाइप ए एचथ्रिएनटु भाइरस फेला परेको जिल्ला स्वास्थ्य प्रमुख रामबहादुर नेपालीले बताए।

बिरामीको नमुना रगत संकलन गरेर केही दिनअघि मात्र प्रयोगशालामा पठाइएको थियो। अन्य चार जनामा भने कुनै प्रकारको लक्षण देखिएन। ‘एक जनामा देखिएको पनि सामान्य खालको सिजनल फ्लुको लक्षण होु, उनले भने, ‘यो जाडो समयमा लाग्ने सामान्य रुघाखोकी हो। एचवानएनवान भनेको स्वाइनफ्लु हो, त्योभन्दा यो अलि कमजोर खालको हो। यसबाट धेरै आत्तिनु पर्दैन।

लसम्म रुघाखोकी र ज्वरोका एक हजार सात सय ५५ बिरामीको उपचार गरिएको जिल्ला स्वास्थ्य कार्यालयले जनाएको छ। हाल प्रभावित क्षेत्रमा चार चिकित्सकसहित १७ जना स्वास्थ्यकर्मी परिचालन गरिएको छ। टोलीले तीन ठाउँमा शिविर खडा गरेर उपचार गरिरहेको छ।

भाइरल प्रभावित क्षेत्रमा स्वास्थ्य सचिवसहितको टोलीले स्थलगत अवलोकन भ्रमण गरेको छ। सेनाको हेलिकोप्टरबाट प्रभावित जुनीचाँदेको मजकोटमा पुगेर टोलीले प्रकोपको अवस्था र उपचारको व्यवस्थाबारे निरीक्षण गरेको हो। परीक्षणका आधारमा केही बिरामीमा सिजनल फ्लु भएको पाइएपछि पूर्वमन्त्री शक्ति बस्नेतकोबिशेषपहलमा स्वास्थ्यसचिव डा. पुष्पा चौधरी नेतृत्वको टोली स्थलगत निरीक्षणका लागि शनिबार औषधिसहित प्रभावित क्षेत्र पुगेको थियो ।

 

    Comment Here!


सम्बन्धित समाचार

View All