जिप दुर्घटनाः गाउँपालिका अध्यक्षसहित ६ जनाकोे मृत्यु

2018-01-14 14:43

संखुवासभा, ३० पुस  । संखुवासभाको प्रसिद्ध धार्मिक तीर्थमेला बरुणनदि नुहाउन जाने क्रममा मकालु गाउँपालिकाको उवाको सिम्माटार भन्ने ठाउँमा आज दिउँसो १ बजे जीप दुर्घटना हुदाँ ६ जनाको मृत्यु भएको छ ।  मकालु गाउँपालिकातर्फ जाँदै गरेको बा ५ च १३०९ नम्बरको जिप गढीबजार नजिकै दुर्घटनामा परेको हो ।

फायल फोटो

दुर्घटनामा मृतकहरुमध्ये खड्ग कटुवाल र अर्का व्यक्ति सुरेश राईको मात्रै सनाखत भएको जिल्ला प्रहरी कार्यालय, संखुवासभाले जनाएकाे छ । कटुवाल स्थानीय तह निर्वाचनमा  नेकपा एमालेको तर्फबाट गाउँपालिका अध्यक्षमा निर्वाचित भएका थिए ।

जीपमा चालकसहित  जिल्ला समन्वय समितिका सूचना अधिकृत सुबास कुइकेल, स्थानीय सुरेश राई र भुकम्पका प्राविधिक २ जना सवार रहेको थिए । जीपमा सवार सवै जनाको मृत्यु भएको हुन सक्ने जिल्ला प्रहरी  जानकारीले दिएको छ ।

दुर्घटनामा क्षतविक्षत भएको जीपको नम्बर मात्रै चिनिने अवस्थामा रहेको र जीपमा सवार ६ जनाकै मृत्यु भएको भनिएपनि सनाखत हुन नसकेको जिल्ला प्रहरी कार्यलय संखुवासभाले जनाएको छ ।

    Comment Here!


सम्बन्धित समाचार

View All