५ नम्बर प्रदेशसभाको सभामुखमा पुर्ण घर्तीलाई पठाउने माओबादी निर्णय

2018-02-11 21:20

बुटवल, २८ माघ ।
प्रदेश नम्बर ५ को प्रदेशसभाको सभामुखमा माओबादी केन्द्रले रुकुमका पूर्ण घर्तीलाई पठाउने निर्णय गरेको छ ।
अबेर राती सम्पन्न माओबादी प्रदेश संसदियदलको बैठकले पुर्ण घर्तीलाई सभामुख, संसदियदलको उपनेतामा प्युठानका कृष्णध्वज खड्का, प्रमुख सचेतकमा रुपन्देहीका दधिराम न्यौपाने र सचेतकमा दाङकी दामा शर्मालाई बनाउने निर्णय गरेको हो ।
सभामुखमा गुल्मीका सुदर्शन बराल र घर्तिको नाम चर्चामा आएपनि दलले घर्तिलाई सभामुखमा पठाउने निर्णय गरेको हो । माओबादीले यस अघि नै रोल्पाका कुल प्रसाद केसीलाई संसदियदलको नेता चयन गरिसकेको छ ।
संसदियदलको नेता र उपनेतालाई मन्त्री परिषदमा पठाउने ब्यक्ति छनौट गर्ने जिम्मा दिईएको समेत माओबादी श्रोतले जानकारी दिएको छ ।
आज बहुमत सहितको दाबी प्रदेश प्रमुख समक्ष प्रस्तुत गरे लगत्तै पत्रकारहरुसंग कुरा गर्दै एमाले संसदियदलका नेता शंकर पोखरेलले सुरुमा ३ सदस्सीय मन्त्री मण्डल बनाउने संकेत गर्नुभएको थियो । पहिलो चरणको मन्त्री परिषदमा एमालेबाट बैद्यनाथ चौधरी र माओबादीबाट दलका नेता कुल प्रसाद केसी वा सुदर्शन बरालल मध्य एकजनालाई नियुत्त गरिने पार्टी निकट श्रोतले जानकारी दिएको छ । मन्त्री मण्डलमा कस्लाई पठाउने भन्ने बिषयमा निर्णय नगरिएको माओबादी सभासद ईन्द्र प्रसाद खरेलले बताउनुभयो ।

    Comment Here!


सम्बन्धित समाचार

View All