नेपाली संघीय समाज युएईको अध्यक्षमा लोप्चन

2018-02-12 17:48

युएई । संघीय समाजवादी फोरम नेपालको प्रवास संगठन नेपाली संघीय समाज युएईको पाँचौं महाधिवेशनबाट बाबुराम लोप्चान तामाङको नेतृत्वमा नयाँ कार्यसमिति चयन भएको छ ।

लोप्चन हालका उपाध्यक्ष थिए । लोप्चनको नेतृत्वमा २०१८–२० का लागि कार्यसमिति चयन भएको हो । ‘हामी सबैको नैसर्गिक अधिकार, हरेक निर्वाचनमा प्रवासी नेपालीहरुको मताधिकार’ भन्ने नारा सहित महाधिवेसन सम्पन्न भएको छ ।

महाधिवेसनले केन्द्रीय प्रतिनिधिमा प्रमोद श्रेष्ठ चयन गरेको छ । त्यस्तै वरिष्ठ उपाध्यक्षमा तेज राई, उपाध्यक्षमा अन्चल राई, उपाध्यक्ष (खस(आर्य) नवराज घिमिरे, उपाध्यक्ष (महिला) भवगती चाम्लिङ राई चयन भएका छन् । उपाध्यक्ष (तराई–मधेस) पछि मनोनित गर्ने गरी टुंगो लागेको छ ।

महासचिवमा शुशिला पुलामीमगर, सचिवमा दिल कुमार तामाङ, कोषाध्यक्षमा लक्ष्मी डंगोल, सह–कोषाध्यक्षमा नरेन्द्र लिम्बू, प्रवक्तामा चुमान सिंह दर्लामीमगर चयन भएका छन् ।

त्यस्तै, सदस्यहरुमा शोभा शर्मा, यमलाल तामाङ, उर्मिला गुरुङ, कुनाल लोप्चन, रेशम लामा, शुष्मा श्रीवास्तव, विरेन्द्र राई, राम बहादुर थापामगर चयन भएका छन् ।

महाधिवेशन समाजका निवर्तमान अध्यक्ष हरि घर्तीमगरको सभापतित्वमा र पार्टीका केन्द्रीय परिषद सदस्य तथा युएई इन्चार्ज डेर राज गुरुङको प्रमुख आथित्यमा गत ९ फेब्रुवरी २०१८ को दिन बरदुबई स्थित एभरेष्ट इन्टर्नेशनल होटलमा सम्पन्न भएको थियो ।

कार्यक्रममा समाजका भूपू अध्यक्षहरु प्रमोद श्रेष्ठ, पासांङ रिन्जी शेर्पा, प्रमुख सल्लाकार कटक राई तथा सल्लाहकार मोहन तामाङले विशेष अथितीको रुपमा बधाई तथा शुभकामना मन्तव्य राखेका थिए । समाजका विभिन्न जनवर्गीय संगठनका प्रमुखहरु पनि अथितिको रुपमा उपस्थित थिए ।

प्रमुख अथितिको रुपमा बधाई तथा शुभकामना दिँदै केन्द्रीय पार्षद गुरुङले देशमा स्थायी शान्ति र स्थायित्व कायम भए मात्रै विकास र सम्वृद्धिको कल्पना गर्न सकिने र स्थायी शान्ति र स्थायित्व कायम गर्न सबैखाले जनताहरुको पहिचान, पहुँच र प्रतिनिधित्वको विषय सम्वोधन गर्नुपर्ने बताए ।

 

    Comment Here!


सम्बन्धित समाचार

View All