जनयुद्ध दिवसमै जनयुद्धको समापन गर्न किन चाहे प्रचण्डले ? (भिडियो)

2018-02-13 21:26

काठमाडौं १ फागुन । तात्कालीन नेकपा माओवादीले २३ वर्ष अघि आजकै दिन सत्ता बाहेक सबै चीज भ्रम हो, बन्दुकको नालबाट सत्ताको जन्म हुन्छ भन्दै हिंसात्मक शशस्त्र संघर्ष सुरु गरेको थियो । दस वर्षको शसस्त्र संघर्ष, दस वर्षको शान्तिपूर्ण राजनीतिक दाउपेचका बीचमा तीन वटा निर्वाचन सहभागी भैसक्दा जनयुद्धका सुप्रिम कमाण्डर प्रचण्डले जनयुद्धले इतिहासको विषयका रुपमा समापन गरेर नयां बाटो हिंड्न लागेका छन् । अलगथलग भएको नेपालको कम्युनिस्ट आन्दोलनमा थिग्रिएका दुई धारा एमाले र माओवादीका बीचमा एकता भएर नेपाल कम्युनिस्ट पार्टी बन्ने तरखरमा प्रचण्ड निकै हतारिएका थिए । फागुन १गते प्रचण्डले पार्टी कार्यालयको सभामा जनयुद्धका महिमामण्डन गर्दै आजै एमालेसंगको एकता निश्कर्षमा पु¥याउन पाए कति आनन्द हुंदो हो भने । त्यसो त उनले आजै चितवन पुगेर एकजना कांग्रेस प्रतिनिधिको भनाईमा खुशी प्रकट गर्दै ढिलो चांडो आफू प्रधानमन्त्री बन्ने घोषण गरे ।

संयोग कस्तो परको थियो यस वर्षको फागुन १ गते नेपाली सेनाको सेना दिवस धुमधामका साथ टुंडिखेलमा चलिरहेको थियो, पशुपतिमा शिवरात्रीको भांग धतुरोको धुनी लागेको थियो भने सहर धुम्म भएपनि भोलि पर्ने भ्यालेन्टाइनले सहरले बेलुन र फूलको वर्षामा बदल्न तन्नेरीहरु हल्लिरहेका थिए । यस्तो दिनमा प्रचण्डले जनयुद्धलाई यसरी सम्झेका छन् । सनसनपूर्ण भिडियो ।

    Comment Here!


सम्बन्धित समाचार

View All