सिलवाल मुद्दाको निष्पक्ष छानबिन हुनुपर्ने माग गर्दै धर्ना

2018-02-14 17:13

काठमाडौं, २ फागुन । नेकपा एमालेका निर्वाचित सांसद तथा पूर्वडीआइजी नवराज सिलवालको मुद्दाको निष्पक्ष छानबिन हुनुपर्ने माग राख्दै स्वतन्त्र नागरिक समूहले बुधबार सरकारी वकिलको कार्यलयमा धर्ना दिएका छन् ।

उनीहरुले कार्यसम्पादनको मूल्यांकन रिपोर्ट सिलवालसँग नहुने र राज्यको संयन्त्रले नै कार्यसम्पादन मूल्यांकन रिपोर्टमा परिवर्तन गरेको हुनसक्ने बताउँदै उचित अनुसन्धान गर्नुपर्ने माग गर्दै धर्नामा बसेको बताए ।

स्वतन्त्र नागरिक समूहका अध्यक्ष पुरुषोत्तम आचार्यले अब बन्ने नयाँ सरकारले ‘गलत ढंगले आइजी भएका’ र कार्यसम्पादन मूल्यांकनमा परिवर्तन गर्न सहयोग पुर्‍याउने न्यायधिवक्तालार्ई कानुनी कारबाही गर्ने डरले सिलवालविरुद्ध कीर्ते मुद्दा दर्ता गर्न हतार गरेको आरोप लगाए ।

उनले मुद्दा दर्ता गर्न सरकारी वकिलहरुलाई दबाब दिइरहेको हुनाले आफूहरुले सांकेतिकरुपमा विरोध गरेको बताउँदै यस्ता अनुचित कार्यहरु नरोकिए आफूहरुले आन्दोलन गर्ने चेतावनीसमेत दिए ।

 

    Comment Here!


सम्बन्धित समाचार

View All