मुख्यमन्त्री शेरधन राईको आज ३ बजे शपथ

2018-02-15 08:17

विराटनगर, ३ फागुन । नेकपा एमालेका संसदीय दलका नेता शेरधन राई प्रदेश १ को मुख्यमन्त्रीमा हिजो नियुक्त हुनु भएको छ । प्रदेश प्रमुखको कार्यालयले उहालाई हिजो अपरान्ह ३ बजे नियुक्त गर्दै आज अपरान्ह ३ बजे शपथ ग्रहणको कार्यक्रम तय गरेको छ ।

एमाले तथा माओवादी केन्द्रले १ नम्बर प्रदेशको मुख्यमन्त्रीमा शेरधन राईलाई नियुक्त गर्नु पर्ने दावी गर्दै शुक्रवार प्रदेश प्रमुखको कार्यालयमा पत्र दर्ता गराएका थिए । त्यसैको आधारमा प्रदेश प्रमुखको कार्यालयले मुख्यमन्त्रीमा राईलाई नियुक्त गरेको प्रदेश प्रमुख कार्यालयका सचिव रामकृष्ण गुरागाईले जानकारी दिनुभयो ।

नेपालको संबिधानको धारा १६८ को उपधारा १ बमोजिम प्रदेश नेता राईलाई प्रदेश प्रमुख प्रा.डा. गोबिन्द बहादुर तुम्बाहाङले नियुक्त गर्नु भएको हो । यसैविच प्रदेशको मुख्यमन्त्रीमा नियुक्त लिएपछि कुरा गर्दै राईले आजनै सानो आकारको मन्त्री मण्डल बनाउने जानकारी दिनुभयो । संबिधानले प्रदेश सभा सदस्यको १० प्रतिशत संख्याको आधारमा मन्त्रालय तथा मन्त्री बनाउने बाटो रहेको भएपनि संबिधानमा उल्लेख गरिएको भन्दा सानो आकारको मन्त्रीमण्डल बनाएर कार्य संचालन हुने बताउनुभयो ।

    Comment Here!


सम्बन्धित समाचार

View All