प्रदेश ५ को स्थितीपत्र : २५ प्रतिशत बढी जनता गरिब, ७० प्रतिशत बढी मापदण्ड बिपरितका नगरपालिका

2018-04-12 17:46

बुटवल, २९ चैत्र । संघिय सरकारले समग्र मुलुकको स्थिती पत्र सार्वजानीक गरे लगत्तै प्रदेश ५ सरकारले पनि प्रदेश नम्बर ५ को स्थितीपत्र सार्बजनिक गरेको छ । सरकारले प्रदेश ५ भित्र रहेका १२ वटा जिल्लाको आर्थिक तथा सामाजिक अबस्था सार्बजनिक गरेको हो ।
आज बसेको ५ नम्बर प्रदेश सभा बैठकमा प्रदेशको सामाजिक, आर्थिक विकासको स्थितिपत्र पेश गर्दै प्रदेश नम्वर ५ का मुख्यमन्त्रि शंकर पोखरेलले योजना निर्माण र कार्यान्वयनमा एक भएर अघि बढ्न सबैमा आग्रह गर्नृुभयो ।
१२ जिल्ला रहेको ५ नम्बर प्रदेशमा ४४ लाख ५८ हजार जनसंख्या रहेको छ । विभिन्न कोणबाट अध्ययन गर्दा प्रदेश धेरैजसोमा तेस्रो तथा चौथो अवस्थामा रहेको स्थितीपत्रका उल्लेख गरिएको छ । प्रदेश ५ मा ११ हजार किलोमिटर सडक रहेको भन्दै स्थितीपत्रमा रुपन्देहीका ३५ प्रतिशत ग्रामीण सडक पक्की रहेको लेखिएको छ । नवलपरासीमा जम्मा ११ प्रतिशत मात्र ग्रामीण सडक पक्की रहेको पनि स्थितिपत्रमा उल्लेख छ । सडकसहित अन्य विकास निर्माणमा पश्चिमका जिल्लाहरू पछाडि परेको तथ्यांक रहेको छ । स्थितीपत्रका अनुसार प्रदेशमा २५.८ प्रतिशत जनता गरिबीको रेखामुनि रहेका छन । प्रदेश ५ का ७० प्रतिशत बढी नगरपालिकाहरुको नगरपालिकाका लागि आवश्यक मापदण्ड पगेको छैन ।
स्थिी पत्र सार्वजानीक भए लगत्तै एबिसीसंग प्रतिक्रिया दिंदै नेपाली कांग्रेसका प्रदेश सभासद निर्मला क्षेत्रीले स्थितीपत्रले प्रदेशका सबैभागलाई सम्बोधन गर्न नसकेको बताउनुभयो ।
सत्तारुढ माओबादी केन्द्रका सभासद तिलकराम शर्माले स्थितीपत्रले पक्षपात गरेको भन्दै प्रदेशको समग्र अवस्थालाई स्थितीपत्रले सम्बोधन नगरेको बताउनुभयो ।
५ नम्वर प्रदेशको सामाजिक, आर्थिक विकासको स्थितिपत्र पेश भएसंगै प्रदेश सभाको बैठक भोलीसम्मका लागि स्थगित भएको छ ।

    Comment Here!


सम्बन्धित समाचार

View All