बाँकेमा हतियारसहित दुई पक्राउ

2018-04-16 15:48

नेपालगन्ज, ३ वैशाख । बाँकेमा एक थान कटुवा पेस्तोल र त्यसमा लाग्ने तीन राउण्ड गोलीसहित दुई जना पक्राउ परेका छन् ।

जिल्लाको जानकी गाउँपालिका–६ गनापुरबाट संघीय प्रहरी इकाई कार्यालय नेपालगन्ज र जिल्ला प्रहरी कार्यालय बाँकेबाट खटिएको प्रहरीले आइतबार राती पेस्तोल र गोलीसहित दुई जनालाई पक्राउ गरेको हो ।

पक्राउ परेका उनीहरुलाई संघीय प्रहरी इकाई कार्यालय नेपालगन्जले पत्रकार सम्मेलन गरेर सोमबार सार्वजनिक गरेको छ ।
पक्राउ पर्नेमा सोही ठाउँका ३६ बर्षिय प्रमोद कुमार चमार र ३३ बर्षिय शोभाराम यादव रहेको संघिय प्रहरी इकाई कार्यालय नेपालगन्जका डिएसपी प्रदिपकुमार सिंहले जानकारी दिनुभयो ।

चमारलाई शंका लागेर चेकजाँच गर्ने क्रममा उनको साथबाट पेस्तोल र गोली बरामद गरिएको उहाँले बताउनुभयो । चमारले यादवबाट पेस्तोल र गोली खरिद गरेर ल्याएको बताएपछि प्रहरीले यादवलाई समेत नियन्त्रणमा लिएर अनुसन्धान अगाडि बढाएको छ ।

प्रहरीले भे १ प ४३४ नम्बरको पल्सर मोटरसाइकलमा समेत उनीहरुको साथबाट बरामद गरेको छ । आवश्यक अनुसन्धान तथा कारबाहीका लागि संघीय प्रहरी कार्यालय नेपालगन्जले उनीहरुलाई जिल्ला प्रहरी कार्यालय बाँकेको जिम्मा लगाएको छ ।

    Comment Here!


सम्बन्धित समाचार

View All