अछाममा अहिलेसम्मकै ठुलो धनराशिको क्रिकेट प्रतियोगिता हुने

2018-04-16 19:23

अछाम, ३ वैशाख । अछामको बान्निगढि जयगढ़ गाँउपालिका वडा नम्बर ५ को थालाकोट् खेल मैदानमा जिल्लाकै ठुलो धनराशिको क्रिकेट प्रतियोगिता हुने भएको छ ।

बान्निगढि जयगढ़ गाउँपालिकाको आयोजनामा १ लाख २१ हजार राशिको बान्नीगढि क्रिकेट लिंग प्रतियोगिता हुन लागेको हो । बैशाख ५ गतेबाट सुरु हुने प्रतियोगितामा उपविजेता हुने टिमले ४१ हजार पुरुस्कार राशि पाउने भएको छ । प्रतियोगितामा उत्कृष्ट टिम, उत्कृष्ट खेलाडी सहीतका पुरुस्कार दिईने आयोजकले जनाएको छ ।

(थालाकोट् खेल मैदान)

जिल्लाका खेलाडिको प्रतिभा पहिचान सहित क्रिकेटको बिकासका लागि हुने प्रतियोगितामा जिल्ला बाहिरका टिमले खेल्न नपाउने आयोजकले जनाएको छ । तर क्षेत्रीय स्तरका ३ जना खेलाडि एक टिमले अनुबन्ध गर्न पाउने निर्णय भएको खेलकूद प्रतियोगिता संयोजक रेबन्तजग रावलले बताउनुभयो ।

सहभागि हुने टिमलाई आधिकारिक क्लबको लेटर प्याड, १६ जना खेलाडीको नामावलि सहीत नेपाली नागरिकताको प्रमाणपत्र अथवा परिचय खुल्ने अन्य कागजात अनिवार्य बनाईएको रावलले बताउनुभयो ।

थालाकोट मैदानमा ४ बर्ष देखि ठुलो प्रतियोगिता हुन सकेको थिएन । प्रतियोगितामा लिग चरणका १२ ओभर, क्वाट्रफाईन, सेमिफाईनल १५ र फाईनल २० ओभरको खेलाईने छ ।

प्रतियोगितामा सफल पार्न आवश्यक तयार अघि बढिरहेको आयोजकले जनाएको छ ।

    Comment Here!


सम्बन्धित समाचार

View All