ऐतिहासिक जितगढी किल्लामा विजयउत्सव सम्पन्न

2018-04-20 17:00

बुटवल, ७ वैशाख । बुटवलमा ऐतिहासिक जितगढी किल्लामा विजय उत्सव दिवस मनाइएको छ ।

नेपाली फौजले अंग्रेज फौजलाई हराएको २०३ वर्ष पुरा भएको अवसरमा बुटवल उपमहानगरपालिकाले पहिलोपटक जितगढी विजय उत्सव दिवस मनाउन थालेको हो ।

वि.सं.१८७१ पुस महिनामा सुरु भएको युद्ध १८७२ बैशाख ७ गते नेपाली सेनाले विजय प्राप्त गर्दे टु¨िएको थियो । विजय उत्सव दिवस मूल समारोहलाई सम्बोधन गर्दै प्रदेश नंं ५ का मुख्यमन्त्री शंकर पोखरेलले ऐतिहासिक महत्वको सम्पदा संरक्षण गर्न प्रदेश सरकार प्रतिबद्ध रहेको बताउनुभयो ।

मुख्यमन्त्री पोखरेले पुर्व पश्चिम राजमार्गबाटै जितगढी किल्ला स्पष्ट देखिने गरी अतिक्रमण गरी बनेका संरचनाहरु हटाउन बुटवल उपमहानगरपालिकालाई निर्देशन समेत दिनुभयो ।

समारोहमा प्रदेश सरकारका आन्तरिक मामिला तथा कानुन मन्त्री कुलप्रसाद केसी, उद्योग, पर्यटन, वन तथा वातावरण मन्त्री लिला गिरी, प्रदेश सभा सांसद बलदेव शर्मा पोखरेल, भोजप्रसाद श्रेष्ठ लगायतले बिगतका सरकारले जितगढीको महत्वलाई बुझ्न नसकेको चर्चा गरेका थिए ।

बुटवल उपमहानगरपालिकाका प्रमुख शिवराज सुवेदीले जितगढी ऐतिहासिक र पर्यटकीय दृष्टिले निकै महत्वपूर्ण भएकाले जितगढीलाई युद्ध संग्रालय बनाईने जानकारी दिनुभयो ।

कार्यक्रममा नेपाली सेनाको टुकडीले तोप पड्काउंदै कर्णेल उजिरसिंह थापा सहित राष्ट्रिय झण्डालाई सलामी अर्पण गरेको थियो ।

नेपाली सेनाको न्याउली बाजा, बैण्ड, नेपाल प्रहरीको बैण्ड तथा बिभिन्न जाती जनजाती, धर्म सम्प्रदाय तथा सर्वसाधारणको ठूलो संख्यामा -याली समेत निकालिएको थियो ।

    Comment Here!


सम्बन्धित समाचार

View All