यातायात ब्यवसायीको बन्दले प्रदेश नम्बर ५ पूर्ण प्रभावित

2018-05-04 08:32

बुटवल, २१ बैशाख ।
सेण्डीकेट पक्षधर यातायात ब्यवसायीहरुले गरेको यातायात बन्दका कारण प्रदेश ५ को राजधानी बुटवलमा सार्वजानीक यातायात पूर्णरुपमा बन्द भएकाछन् । ब्यवसायीहरुको हड्तालका कारण सडक र बसपार्कसमेत सुनसान देखिएको छ ।
यातायात हड्तालको प्रभाव प्रदेश नंं ५ का पहाडी जिल्लाहरुमा पनि परेको छ । बुटवलबाट छुट्ने गुल्मी, अर्घाखांची, प्युठान, रोल्पा सहित स्थानीय रुटहरुमा चल्ने सवारी साधन समेत ब्यवसायीहरुले ग्यारेजमा थन्काएपछि गन्तब्यमा पुग्न निस्केका यात्रुहरुलाई सास्ती भएको छ । बुटवलस्थित लुम्बिनी बस टर्मिटनलबाट प्रदेश ५ का १२ वटै जिल्लामा सवारी साधन छुट्ने गरेकामा हड्तालका कारण बस टर्मिनल परिषर पुरै सुनसान देखिएको छ ।
बस टर्मिनलभित्र रहेका पश्चिम नेपाल बस व्यवसायी संघ, सिद्धार्थ यातायात, बुटवल यातायात, गुल्मी यातायात, सुपा देउराली यातायात लगायतका बस तथा जीप समितिले आफ्ना टिकट काउन्टरहरु बन्द गरेर बसपार्क खाली गराएका छन् । सरकारले ब्यवसायीहरुले सेण्डीकेट लगाएको भन्दै आएपनि पश्चिम नेपाल बस ब्यवसायी संघ बुटवलले भने आफुहरुले सेण्डीकेट नलगाएको बताउंदै आएको छ । सरकारले सुनुवाई नगरेसम्म आन्दोलन नरोकिने पश्चिम नेपाल बस ब्यवसायी संघका उपाध्यक्ष जिवन बन्जाडेले जानकारी दिएकाछन् ।
बस व्यवसायीले सेवा ठप्प पारेर हड्तालमा उत्रेपछि यात्रुहरु बसपार्कमै अलपत्र परेका छन् । सार्वजानीक साधन नचलेकै कारण बसबाट स्कूल कलेज जाने विद्यार्थी, सरकारी कर्मचारी तथा दैनीक ज्यालामा हिंड्ने श्रमीकहरु सबै भन्दा बढी समस्यामा परेकाछन् ।

    Comment Here!


सम्बन्धित समाचार

View All