बाम एकताबाट नयाँ इतिहास रचना- अध्यक्ष केपी शर्मा ओली

2018-05-17 19:53

काठमाडौं, ३ जेठ । प्रधानमन्त्री तथा नेपाल कम्युनिष्ट पार्टीका अध्यक्ष केपी शर्मा ओलीले बाम एकताले नयाँ इतिहास रचना भएको बताउनुभएको छ ।

एमाले र माओवादीको एकीकरण गरी नेपाल कम्युनिष्ट पार्टीको घोषणा सभालाई सम्बोधन गर्दै अध्यक्ष ओलीले नेपालले नयाँ इतिहास रचेको भन्दै देश अब नयाँ युगमा प्रबेश गरेको दाबी गर्नुभयो । उहाँले नेपाललँई समृद्धिको बाटोमा लान नयाँ पार्टीको कर्तव्य भएको बताउनुभयो ।

अध्यक्ष ओलीले पुष्पलालले आजको दिन देख्न चाहेको भन्दै अग्रजहरुले मुलुकलाई न्याय, बिकास सुशासान, समृद्धितर्फको यात्रामा लान देखेको सपना पूरा भएको दावी गर्नुभयो ।

एकताको पक्षमा सिंगौ पार्टी लागेकाले एकता सम्भव भएको बताउँदै अहिलेको एकता पार्टी मिसिएको होइन घोलिएको बताउनुभयो । कम्युनिष्टहरु जुट्न जान्दैन भनेर भन्ने गरीएपनि अब कम्युनिष्ट फुट्न जान्दैन भन्ने सुरु भएको बताउनुभयो । कम्युनिष्ट सिद्धिन्धन बन्नेहरुले अब कम्युनिष्ट अगाडी बढे भन्ने दिन आएको बताउनुभयो ।

स्थानिय सरकार , प्रदेशसरकार , केन्द्रिय सरकारमा बहुमत भएको भन्दै अब सानासान कम्युनिष्ट पार्टीको पसल थापेर बस्नु भन्दा सबै मिलेर देश बनाउन एक स्थानमा आउनका लागि आग्रह गर्दै राष्ट्र निमार्णको महाअभियानमा सामेल हुन आग्रह गर्नुभयो ।

अ‍ोलीले पार्टी एकता तानासाही, दमन आहाकार देखाउनको नभएर देश बनाउन गरीबी पछौटोपन हटाउनका लागि भएको बताउनुुभयो । यस्तै पार्टी एकतापछि कसैलाई भेदभाव नगरी योग्यता क्षमता, सक्रियातालाई हेरेर जिम्मेदारी दिइने कुरामा कञ्जुसाइ नगरिने उहाको भनँइ थियो । अहिले पाएको बहुमतलाई जनताको सेवा र बिकास निमार्णको लागि प्रयोग गर्ने बताउनुभयो ।

    Comment Here!


सम्बन्धित समाचार

View All