काठमाडौं, ९ पुस ।  नेपाल भ्रमण वर्षको दिन नजिकिंदै जांदा सरकार केही सक्रिय देखिएको छ । पर्यटनको बहुआयामिकतालाई ध्यानमा राखेर भ्रमणवर्षलाई लक्ष्यमा पुराउन विभिन्न सरोकारावालसंग निरन्तर छलफल गर्दै आएको छ । भ्रमण वर्षलाई राष्ट्रिय पर्वको रुपमा मनाउन कस्सिएको सरकारले सबै पक्षलाई समेट्ने प्रयास गरेको हो । पर्यटन,सहकारी र वनक्षेत्रको सहकार्यलाई अझ व्यवस्थित गर्न मंगलबार छलफल चलाएको छ ।

सरकारले भ्रमण वर्षलाई सफल बनाउन सहयोगको लागि छलफल विभिन्न संघ संस्थासंग छलफल गर्दै आएको छ । मंगलबार सामुदायिक वन उपभोक्ता महासंघ, राष्ट्रिय सहकारी महासंघसंग छलफल गरेको छ । विभिन्न निकायहरुको छलफलमा पर्यटन मन्त्री योगेशकुमार भट्टराइले भ्रमण वर्ष २०२० एउटा इभेन्ट मात्रै नभई दीर्घकालीन पर्यटनको आधारशिला भएको बताएका छन् ।

सरकारले अबको १० वर्षमा एक करोड पर्यटक भित्राउने लक्ष्यको साथ अगाडि बढ्ने महत्वकांक्षी अवधारणा अघि सारकोे छ । यद्यपी नेपाल भ्रमण वर्षमा २० लाख बाह्रय पर्यटन भित्र्याउन सरकारलाईह हम्मे हम्मे पर्ने निश्चित छ । तर,‘नेपाल भ्रमण वर्ष–२०२०’ लाई आधार मानेर दशकको योजनाकासाथ सरकार अघि बढ्ने भएको छ । पर्यटनबाट मुलुकको पहिचान देखाउने सरकारले संकल्प गरेको छ ।

आवस्यक पूर्वाधार र पर्यटनको बजारमा सरकार पुरानै ढर्रामा छ । नेपाल भ्रमण वर्ष–२०२० कार्यक्रमबाट विश्व समुदायलाई नयां सन्देश दिने सरकारको अपेक्षा छ । नेपाल अब शान्ति, समृद्धि र स्थायित्वको बाटोमा अघि बढेको सन्देश दिन सबैको सहयोगको अपेक्षा हुनुपर्ने सरकारी अपेक्षा छ ।

नेपाल भ्रमण वर्ष राष्ट्रिय गौरवको अभियान हो । सबै नेपालीले यसमा साथ दिनु आवश्यक छ । पर्यटक भ्रमण वर्षले नेपाल भ्रमण वर्षले नेपालको दीगो पर्यटनको आधार शिला तयार गर्नुपर्ने सरोकारवालाको सुझाव छ । दीर्घकालीन सोचको साथ पर्यटन क्षेत्रमा ध्यान दिन सकेमा मुलुकको अर्थतन्त्रको आधार पर्यटन दीगो हुने अपेक्षा गरिएको छ । पर्यटक आगमनमात्रै होइन, पुनः नेपाल भ्रमण गर्न आउने गरि सरकारले आवस्यक पूर्वाधार र प्रवद्र्धनमा जोड दिनुपर्ने धेरैको सुझाव छ ।

भ्रमण वर्षले विदेशी पाहुनालाई एकपटक आएर फर्किनेमा मात्रै होइन, पटक पटक नेपाल आएर जाने वातावरण बनाउनु पर्ने राष्ट्रिय सहकारी महासंघका अध्यक्ष केशब बडालको भनाई छ ।सरकारले थालेको अभियान सकारात्मक छ । प्रचारँत्मक हिसाबमा सरकार अघि नै छ। तर, पर्यटन वर्षको मौसममा मात्रै होइन, दीर्घकालीन सोचको साथ राष्ट्रिय अभिायनको रुपमा बढाउन सकेमा नेपाल भ्रमण वर्ष २०२० आधार बन्न सक्छ । यसका लागि पूर्वाधार र प्रवद्र्धनमा सरकारको गियर अझै बढाउने पहिलो शर्त हो । छलफलले मात्रै पर्यटक आउने र बसार्इं र खर्च औसत बढाउन पर्यटनमैत्री वातावरण बनाउनै पर्छ ।