काठमाडौ, २८ पुस । लगानीमैत्री औद्योगिक व्यवसाय बिधेयक, कम्पनी ऐन, बिदेशी लगानी तथा प्रबिधी हस्तान्तरण नियमावली जस्ता नितिगत प्रक्रियाकै कारण देशमा आर्थिक सुचाङ्कहरुमा सुधार देखिने क्रम सुरु भएको छ । लगानीको वातावरण बढेसंगै बिदेशी लगानीको प्रतिवद्धता बढ्दो छ भने औद्योगिक पुर्वधारले समेत तिब्रता पाएसंगै उद्योग मन्त्रायलले आफनो प्रगती र भावी योजना प्रस्तुत गरेको छ ।

गत मंसिर ४ गते उद्योग वाणिज्य तथा आपुर्ति मन्त्रायलको जिम्मेवारी सम्हालेका उद्योग वाणिज्य तथा आपुर्ति मन्त्री लेखराज भट्टले मन्त्रायलबाट भएको अहिलेसम्म प्रगती र भावी कार्ययोजना प्रस्तुत गरेका छन् ।

आइतबार मन्त्रालयममै उद्योग वाणिज्य र आपुर्तिका सचिवमार्फत मन्त्रालयले अहिलेसम्म गरेको प्रगती र .भावी कार्ययोजना सार्वजनिक गरेका हुन । नया“ सरकार गठनसंगै मन्त्रायलले लगानी प्रर्वद्धन, औधोगिक पुर्वधार खनिज र खानीजन्य, बैदेशिक व्यपार लगायको बिषयमा उल्लेखिय प्रगती भएको जनाएको हो । औद्योगिक पुर्वधारमा आर्थिक क्षेत्रको निमार्ण सम्पन्न भइ ५ वटा उद्योग समेत सञ्चालन आइसकेको र त्यसमध्ये ३ वटाले उत्पादन सुरुगरी बिदेश निर्यात समेत गरेको जनाइएको छ ।

यस्तै मन्त्रायलले पछिल्लो एक दशक वार्षिक औषत २० दशमलव ४ प्रतिशतले बढ्नु तथा व्यापार घाटा आर्थिक आर्थिक वर्षको ५ महिनामा अघिल्लो वर्षको तुलनामा ६ दशमलव ३ प्रतिशतले घट्नुलाई प्रगतीको बिषय भएको बताएको छ । व्यापार घाटा न्युनिकरणको लागि सरकारले अनावश्यक बस्तुहरुको आयातमा कडाई गर्दा आयात घटेको र निर्यात २७ प्रतिशतले बृद्धि भएको जनाएको छ ।

यस्तै मन्त्रीमरिषदले निर्णय गरेको ३२ वटा औद्योगगिक ग्रामको पुर्वधार निमार्ण र बिकासको लागि १५ दिन भित्र प्रति स्थानि तहमा ९२ लाख को दरले रकम निकाशा गर्न लागिएको जनाएको छ । ढुंगा, गिट्टी बालुवा जस्ता निमार्ण जन्य कच्चा प्रदार्थको नदि जन्य स्रोतहरुको मात्र रहेको निर्भरलाई कम गर्न खानी तथा भूगर्भबिभागले उत्खननका लागि १४ जिल्लामा रहेको ९१ वटा खानीहरुको सञ्चालनको लागि निजि क्षेत्रको संलग्नता गराउने गरी बोलपत्र आवाहान गर्न तयारी भइरहेको पनि जनाईएको छ ।

नेपाल व्यापार एकीकृत रणनितिले पहिचान गरेका बस्तु बाहेक ठुला मात्रामा निर्यात हनु सक्ने बस्तुको तीन महिनाभित्र पहिचाना.गरी प्रवद्र्धनमा जोड दिने भावी योजनामा उल्लेख गरिएको छ । बिभिन्न बस्तुमा लाग्ने भन्सार महसुल पुनरावलोकन गर्न अर्थमन्त्रालसंग समन्वय गर्नुको साथै बजार अनुगमन नया ढग र शैलीबाट नियमति प्रत्रियाको रुपमा अगाडी बढ्ने योजना समेत ल्याएको छ ।

लामो समयदेखि बिभिन्न समस्याको कारण उद्योग व्यवसायमा प्रतिकुल प्रभाव परिहेको थियो । तर सरकारले निजि क्षेत्रसंग सहकार्य गरी लगनी प्रवद्र्धनमा जोड दिएसंगै बिस्तारै लगानीको वातावरण बन्दै गएको छ । सरकारले स्वदेशी तथा बिदेशी लगानीकर्तामा व्यापार व्यवसायमा सहजताका लागि नितिगत प्रक्रियाको साथै प्रवद्र्धन गर्न थालेपछि बिस्तारै औद्योगिक क्षेत्रमा परिर्वतनका संकेत देखिन थालेका छन् ।