काठमाडौं, १५ भदौ । कोरोना भाइरसको संक्रमण दिन प्रतिदिन बढिरहदा कोरोना स्वास्थ्य बीमा गराउने सर्वसाधारणको संख्या बढ्दै गएको छ । बिमा गरेको १५ दिनपछि पीसीआर प्रविधिबाट परीक्षण गरिएको रिपोर्टमा कोभिड–१९ पोजिटिभ देखिएपछि बीमा रकम पाइने भएकाले पनि यसप्रति आकर्षण बढेको हो । अहिले बीमा कम्पनीहरुले ५० हजार र एक लाख रुपैया“को कोरोना बीमा गर्दै आएका छन् ।

कोभिड–१९ को सक्रमण समुदाय स्तरमै फैलिन थालेपछि सरकारले सुरु गरेको कोरोना स्वास्थ्य बीमाप्रति आकर्षण बढेको छ । कोरोनाको सक्रमण र मृत्यु हुनेको सख्या बढ्न थालेपछि आम सर्वसाधरणमा आर्थिक सहयोग र उपचारका लागि खर्च समेत जुट्ने भएकोले बीमाप्रति नागरिकहरूको आकर्षण बढेको हो । नेपालमा कोरोना तिब्र गतिमा फैलिएसंगै थेरै रकममा बीमा गरेर जोखिम सुरक्षित गर्न सकिने भएकाले कोरोना बीमाप्रति सर्वसाधारणको आकर्षण बढेको हो । अहिलेसम्म देशभरबाट १० लाखभन्दा बढी सर्वसाधारणले कोरोना बीमा गराएको बीमा समितिले जनाएको छ ।

कोरोना बीमा १ लाख रूपैया र ५० हजार रुपैया बराबरको गर्न सकिन्छ । एक लाखको बिमाको लागि व्यक्तिगत १ हजार रूपैया र परिवारका अन्य सदस्यको पनि बीमा गरेमा प्रतिव्यक्ति थप ६ सय रूपैया“ शुल्क लाग्ने छ । यस्तै ५० हजार रुपैया“को कोरोना बिमा गर्दा व्यक्तिगत ५ सय रुपैया“ र परिवार अन्य सदस्यको पनि बिमा गरेमा प्रतिव्यक्ति ३ सय रूपैया बीमाशुल्क लाग्ने छ । बिमा गरेको १५ दिनपछि नेपाल सरकार स्वास्थ्य मन्त्रालय अन्तर्गतका निकायबाट पिसिआर परीक्षण गरी कोरोना भाइस देखिएको प्रमाणपत्र ७ दिन भित्र पेशगरी बिमा दाबी भुक्तान गर्नुपर्ने बिमा समितीले जनाएको छ ।

कथंकदाचित कोरोनाको संक्रमित भइहालेपछि केही आर्थिक सहयोग र उपचारका लागि खर्चसमेत जुट्ने भएकाले पनि यस बीमाप्रति नागरिकहरूको आकर्षण बढेको देखिन्छ। बिमा कम्पनीमा जहासुकै शाखामा गएर सहज रुपमा कोरोना बिमा गर्न सकिने समितीले जनाएको छ ।

महामारीको समयमा बिमा गर्दा सक्रमण भइहालेपनि केही हदसम्म भए पनि आर्थिक राहत मिल्ने भएकोले बिमा गर्ने सख्या निरन्तर बढेको हो । कोरोना बीमा योजनाका लागि सरकारले साढे ३ अर्बभन्दा माथि कोरोना बीमाको भुक्तानी बेहोर्ने भएको छ भने पुनर्बीमा कम्पनीले १ अर्ब रुपैया जोखिम वहन गर्नेछन ।