काठमार्डौं ३ जेठ । प्रदेश नंबर १ का १४ जिल्लाका १३७ स्थानीय तहमा हालसम्म भएको मतगणनाका क्रममा नेपाली काँग्रेसले सबैभन्दा धेरै जित निकालेको छ । २०७४ सालको स्थानीय निर्वाचनमा यो प्रदेशमा एमालेको वर्चस्व रहेको थियो ।

काँग्रेसले प्रदेश १ का ३२ स्थानीय तहमा जित हासिल गरेको छ भने ३२ स्थानीय तहमा अग्रता हासिल गरेको छ । २०७५ को सस्थानीय तहको निर्वाचनमा नेकाले ५१ स्थानमा जितेरे दोसस्रो भएको थियो । यो निर्वाचनमा नेकाले ६०–७० सिसट जित्सन सक्ने एबीसी टेलिभिजनको एक्जिट पोलमा देखिएको थियो । सोही नतिजा नेकाले पछ्याइरहेको छ ।

दोश्रो स्थानमा रहेको एमालेले १६ स्थानीय तह जितेको छ भने २५ स्थानीय तहमा अग्र स्थानमा रहेको छ । अघिल्लो निर्वाचनमा एमालेले यो प्रदेशमा ६५ स्थानमा जितेर सर्वाधिक ठूलो दल बनेको थियो । यसपटकको निर्वाचनमा एमालेले ३६–४० सिट ल्याउन सक्ने एबीसीको एक्जि पोलमा देखिएको थियो । एमाले त्यही आंकडा छुने कोशिश गरिरहेको छ ।

माओवादी केन्द्रले ९ स्थानीय तह जितेको छ भने ३ स्थानमा अगाडि रहेको छ । अघिल्लो पटक योप्रदेशमा माओवादीले ९ सस्थान जितेको थियो । एबीसी एक्जिट पोलमा यो प्रदेशमा माकेले १५ सिटसम्म जित्ने देखिएको थियो ,
नेकपा एकीकृत समाजवादीले एक स्थानीय तहमा जितेको छ भने २ वटामा अग्र स्थानमा रहेको छ । जनता समाजवादी पार्टीले १ स्थानीय तह जितेको छ भने १ जना स्वतन्त्र उम्मेदवारले जितेका छन् । यस्तै राष्ट्रिय प्रजातन्त्र पार्टीले २ स्थानीय तहमा अग्रता हासिल गरिरहेको छ ।

प्रदेश १ का जिल्लाहरुमा दलहरुले अहिलेसम्मको नतिजा र अवस्था यस्तो छ ।

ताप्लेजुङमा एमालेले ३ स्थानीय तह जितेको छ भने माओवादी केन्द्रले २ स्थानीय तह जितेको छ । ४ स्थानीय तहको परिणाम आइसकेको छैन ।

पाँचथरमा काँग्रेसले ४ स्थानीय तह जितेको छ भने ३ मा अग्रता लिएको छ । माओवादी केन्द्रले १ स्थानीय तहमा अग्रता लिएको छ ।

इलाममा २ स्थानीय तह काँग्रेसले जितेको छ भने ३ तहमा अग्रता लिएको छ । एमालेले १ स्थानीय तह जितेको छ भने २ मा अग्रता लिएको छ । नेकपा एकीकृत समाजवादीले २ स्थानीय तहमा अग्रता लिएको छ ।

झापामा ६ स्थानीय तहमा काँग्रेसले अग्रता लिएको छ । एमालेले ७ स्थानीय तहमा अग्रता लिएको छ । २ स्थानीय तहमा राप्रपाले अग्रता लिएको छ ।

संखुवासभामा ५ स्थानीय तहमा काँग्रेसले जितेको छ । एमालेले २ स्थानीय तह जितेको छ २ स्थानीय तहमा अग्रता लिएको छ ।

तेह्रथुममा काँग्रेस र एमालेले बराबरी ३ । ३ स्थानीय तह जितेका छन् ।

भोजपुरमा ३ स्थानीय तहमा काँग्रेसले अग्रता लिएको छ भने १ स्थानीय तहमा जितेको छ । एमालेले २ स्थानीय तह र माओवादी केन्द्रले २ स्थानीय तह जितेको छ ।

धनकुटामा ३ स्थानीय तहमा काँग्रेसले जितेको छ भने २ वटामा अग्रता लिएको छ । यस्तै एमालेले एउटा पालिका जितेको छ भने एउटामा अग्रता लिएको छ ।

मोरङमा काँग्रेसले १ स्थानीय तह जितेको छ भने ५ स्थानीय तहमा अग्रता लिएको छ । एमालेले १० स्थानीय तहमा अग्रता लिइरहेको छ ।

उदयपुरमा काँग्रेसले १ स्थानीय तहमा अग्रता लिएको छ । एमालेले ३ स्थानीय तहमा अग्रता लिएको छ । माओवादी केन्द्रले ३ स्थानीय तह जितेको छ भने नेकपा एकीकृत समाजवादीले १ स्थानीय तह जितेको छ ।

ओखलढुङ्गामा २ स्थानीय तह काँग्रेसले जितेको छ भने एउटा स्थानीय तहमा अग्रता लिएको छ । एमालेले १ स्थानीय तह जितेको छ भने एउटा स्थानीय तहमा अग्रता लिएको छ । माओवादी केन्द्र,जनता समाजवादी र स्वतन्त्र उम्मेदवारले एक–एक स्थानीय तह जितेका छन् ।स्वतन्त्र भएर जित्ने कांग्रेस का बागी उमेद्वार हुन् ।

खोटाङमा काँग्रेसले ४ स्थानीय तह जितेको छ भने २ वटामा अग्रता लिइरहेको छ । एमाले र माओवादी केन्द्रले दुई दुई स्थानीय तह जितेका छन् ।

सोलुखुम्बुमा काँग्रेसले ३ स्थानीय तह जितेको छ । एमालेले २ स्थानीय तह जितेको छ भने एउटामा अग्रता लिएको छ । माओवादी केन्द्रले २ स्थानीय तह जितेको छ । अघिल्लो पटक माओवादीले ३ स्थानीय तह जितेको थियो ।

सुनसरीमा ६ स्थानीय तहमा काँग्रेसले अग्रता लिएको छ । एमालेले ५ स्थानीय तहमा अग्रता लिएको छ । जनता समाजवादी पार्टीले एक स्थानीय तहमा अग्रता लिएको छ ।