काठमाडौं २६पुस । प्रधानमन्त्री पुष्पकमल दाहाल प्रचण्डले प्रधानमन्त्री नियुक्त भएएको १६ दिनमा संसदबाट भारीमतका साथ विश्वासको मतस प्राप्त गरेका छन् । प्रधानमन्त्री प्रचण्डले संसद मा रहेका १२ दल मध्ये १० दल र तीन जना स्वतन्त्र सांसद गरी जम्मा २६८ मत पाएका छन् । प्रचण्डको विपक्षमा १–१ सिट रहेका राजमो र नेमकिपाका दुई जना, तथा मोरंग ५ बाट निर्वाचित एमालेका बागी स्वतन्त्र सांसद मात्र उभिएका छन् ।

आश्चार्यजनक रुपमा प्रमुख प्रतिपक्षी र संसदको सवैभन्दा ठूलो दल नेपाली कांग्रेसले समेत प्रधानमन्त्री प्रचण्डको पक्षमा मतदान गर्ने निर्णय गरेको थियो ।

संसदमा नेका ८९, एमाले ७९, माआवादी ३२, रास्वपा २०, राप्रपा१४, जसपा १२, एस १०, जनमत ६, लोसपा ४ नाउपा ४, राजमो र नेमकिपा १,१ र स्वतन्त्र तीन जना सांसद रहेका छन् ।
सत्ता साझेदारका रुपमा नेका, लोसपा, एस र राजमो तथा नेमकिपा बाहेकका ७ दल रहेका छन् ।

कांग्रेसले प्रधानमन्त्री प्रचण्डलाई विश्वासको मत दिएर यही संसदीय कार्यकालमा पुनः प्रचण्डसंग सत्ता साझेदारीको ढोका खुला नै राखेको रुपमा समेत हेरिएको छ । नेपालको संसदीय इतिहासमा दुई वा दुई भन्दा बढी दलको संयुक्त सरकार वा एकल बहुमत प्राप्त दलको प्रधानमन्त्रीको पक्षमा सबै दल खडा भएको यो पहिलो घटना हो । प्रधानमन्त्री प्रचण्डको यो तेस्रो कार्यकाल हो ।

२०५१ सालमा ततकालीन संसदको सबैभन्दा ठूलो दल एमालेको अल्पमतको सरकारलाई बाध्यात्मक रुपमा कांग्रेसले विश्वासको मत दिएको थियो । त्यो बेला कांग्रेसले एमाले अध्यक्ष मनमोहन अधिकारीलाई विश्वासको मत दिएको ८ महिना नपुग्दै कांग्रेसले नै अविश्वासको प्रस्ताव दर्ता गरेको थियो । सोही प्रस्तावका कारण २०५२ साल भदौमा नेकाका शेरबहादुर देउवा पहिलो पटक राप्रपाको सहयोगामा प्रधानमन्त्री बनेका थिए ।
संसदमा रहेका सबै दल आफ्नो पक्षमा उभिएको घटनालाई प्रधानमन्त्री प्रचण्डले संघीय संसदले आफूमाथि न्याय गरेको टिप्पणी गरेका छन् । प्रचण्ड गणतन्त्र, शान्ति प्रक्रिया, संविधानसभाका नायक हुन् । उनको नेतृत्वमा २०५२ सालदेखि २०६२ सालसम्म सशस्त्र संघर्ष भएको थियो ।