काठमाडौं १० असार । नेकपा एमालेका अध्यक्ष केपी शर्मा ओलीले नेकपा विभाजनको यथार्थ विश्लेषण गर्नुपर्ने बताएका छन्। आइतबार केशवप्रसाद बडालद्वारा लिखित पुस्तक सिंहावलोकनको लोकर्पण गर्दै ओलीले नेकपा विभाजनका कारणको विश्लेषण आवश्कय रहेको बताएका हुन् ।

नेकपा विभजन भयो भनेर मात्रै अब नबुझ्ने भन्दै उनले विभाजनका कारणहरुको यथार्थ विश्लेषण गर्ने हो भने भविष्यलाई राम्रो हुने बताए।

‘अढाई वर्षअघि हाम्रो पार्टी विभाजन भयो, त्यो विभाजन यसले यसो भन्यो, यसो भन्यो भनेर मात्रै हुँदैन। त्यसका पछाडिका कारणहरु के थिए, उद्देश्यहरु के थिए। किन विभाजन भयोर ? किन गरियो ?,’ ओलीले प्रश्न गर्दै भने।

उनले पार्टी किन विभाजनसम्म पुग्योरु कस्तो पृष्ठभूमिबाट वभाजनसम्म पुग्योरु भन्नेकुराको यथार्थ नागरिकले थाहा पाउनुपर्ने आवश्यकता रहेको पनि बताए।

‘कस्तो पृष्ठभूमिबाट त्यो विभाजनसम्म पुग्योरु यी कुराहरु अलिकति आउनुपर्छ। विभाजन भयो भन्ने मात्रै कुरा भन्दा अलि त्यसलाई किन र कसरीरु केका लागि विभाजन भयोरु के उद्देश्य थियो ? त्यसमा आन्तरिक कारण कति थियो ?’, ओलीले भने, ‘वाह्य कारण कति थियो? स्वचालित कति थियोरु परचालित कति थियो ? रिमोट कन्ट्रोल कति थियो, त्यहीँबाट बटन घुमाउने कति थियोरु यो सबै कुराको हामीले यथार्थ विश्लेषण आन्दोलनको हीतका लागि ग¥यौँ भने त्यसले भविष्यलाई राम्रो हुन्छ।’

नेकपा विभाजन हुनुको कारण स्वचालित थियो वा परचालित के थियो? त्यसको विश्लेषण जरुरी रहेको पनि ओलीले बताए।
पहिलो पटक ओलीले नेकपा विभाजनको आवश्यकता रहेको बताएका हुन् । ध्यक्ष ओलीले प्रधानमन्त्रीसमेत रहेका माओवादी केन्द्रका अध्यक्ष पुष्पकमल दाहाल र एकीकृत समाजवादीका अध्यक्ष माधव नेपाललाई लक्षित गर्दै कतैबाट ‘परिचालित’ भएर नेकपा विभाजन गरिएको आरोप लगाउँदै आएका थिए ।

२०७५ जेठ ३ गते नेकपा एमाले र माओवादी केन्द्रबीच एकीकरण भइ नेपाल कम्युनिस्ट पार्टी (नेकपा) गठन भएको थियो । त्यसको २ वर्षपछि २०७७ साल फागुन २३ मा नेकपा विघटन भएको थियो ।

२००७ सालको आन्दोलन विभत्स सम्झौता
ओलीले भने, ‘नेपालमा परिवर्तन बाह्य शक्तिलाई पनि चाहिएको थियो । त्यसैले २००७ सालमा जुन हतियार प्रयोग भयो त्यो हतियार नेपाल भन्दा बाहिरबाट आउने कारण त त्यही हो । नेपाल भित्रका हतियार त चलेका होईनन् । हतियार बाहिरबाट आयो आन्दोलन भयो । त्यो आन्दोलन कहाँ टुङिगयो भन्दा नेपालीहरुले वार्ता गरेर नेपाली राजनीतिक शक्तिहरुले वार्ता गरेर त्यो सम्झौता टुङग्याउन पाएको हैन ।

अन्तै वार्ता गरेर अन्तै निष्कर्श निस्क्यो । राजा राजै रहने मोहन शमशेरलाई प्रधानमन्त्री बनाउने विशेश्वर प्रसाद कोईरालालाई गृहमन्त्री बनाउने नेपाली कांग्रेस पनि त्यही मन्त्री लिएर सामेल हुने राजाका यति राणाका यति मन्त्री बस्ने आदि । यो सबै राष्ट्रिय राजनीतिले तय गरेन, राष्ट्रिय आवश्यकता र आन्दोलनले तय गरेन नियतिले तय गर्यो । नियति अन्तै थ्यो । र त्यो आन्दोलन २००७ सालको आन्दोलन विभत्स कम्प्रोमाइज भयो । ’