विराटनगर, १९ साउन ।  प्रधानमन्त्री केपी शर्मा ओलीले देखेको सपना पुरा भएको छ । उनले जनताको घरघरमा पाइप विछ्याएर वायोग्यास पुर्याउने सपना देखेका थिए ।

विस २०४२ सालमा स्थापना भएको सामुदायिकस्तरको गौशालाबाट निस्किएको गोबरलाई कसरी सदुुपयोग गर्ने भन्ने वैकल्पिक ऊर्जा प्रवद्र्धन समितिको छलफलपछि वैकल्पिक वायोग्याँस संचालनमा ल्याइएको हो । तत्कालिन प्रधानमन्त्री केपी शर्मा ओलीले पाइपबाट ग्याँस पुर्याउने बताएपछि समितिले यस विषयमा गम्भिर चासो दिएर वैकल्पिक ऊर्जा उत्पादन गर्ने परियोजनाका रुपमा खेर गएको गोबर सदुपयोगमा ल्याइएको हो ।

विराटनगर महानगरपालिकाको वडा नम्बर १४ मा यतिबेला घरघरमा पाइपवाट ग्याँस पुर्याउने अभियान चलेको छ । गौसेवा सदनले स्थानीयको घरघरमा पाइप विछ्याएर वायोग्याँस पुर्याएउने काम अन्तिम चरण पुर्याएको हो ।

यतिबेला प्राविधिकहरूले स्थानियवासीको घरमा ग्याँस पुर्याउन धमाधम काम गरिहेको छन् । गौशला भित्र रहेका २ सय ७ वटा गाईको गोवर संकलन गरी उत्पादन गरिएको वायोग्याँस स्थानीयको चुलोसम्म पुर्याउनको लागि शुरु भएको काम लगभग अन्तिम चरणमा पुगेको गौसेवा सदनका प्रबन्धकले बताए ।

गौशलादेखि करिब ३ सय मिटर टाढा रहेका ३२ वटा घरमा पहिलो चरणमा वायोग्याँस जडान गरिसकिएको छ र शुक्रबार मात्रै प्राविधिकहरूले स्थानियको घर–घरमा गएर चुलो बालेर परिक्षण गरेका छन् । विश्व बैंकको ८४ लाख रुपैयाँ लगानीमा वैकल्पिक ऊर्जा प्रवद्र्धनले पाइप लाइनमार्फत स्थानीयवासीको भान्सासम्म ग्याँस बाल्न शुरु गरेको हो ।

ग्याँस उत्पादनका लागि गौशाला परिसरमा ३ सय घनमिटर प्लान्ट जडान गर्ने लगायतका प्राविधिक काम सकिएसँगै अबको एक साताभित्र घरघरमा वायोग्याँस पुर्याउने नेपाल उर्जा कम्पनीका प्राविधिक हरिशरण श्रेष्ठले बताए ।

घरघरमा पाइपबाट ग्याँस पुर्याउने प्रधानमन्त्री केपी शर्मा ओलीको अभिव्यक्तिलाई कतिपयले हावाको रुपमा लिएको अवस्थामा यसरी बिराटनगर महानगरपालिका वडा नम्बर १४ मा शुरु भएको यो अभियानपछि स्थानीयमा गर्यो भने सहजै ग्याँस उत्पादन हुनसक्ने रहेछ भन्ने प्रमाण यो वायोग्याँस प्लान्टबाट देखिएको छ । यस प्रणालीबाट स्थानीय पनि खुसी भएका छन् ।