सिन्धुली, १५ माघ । एकिकृत अखिल नेपाल शिक्षक संगठन सिन्धुलीमा आबद्ध शिक्षकहरुले आगमी शैक्षिक सत्र देखि आफ्ना छोरा छोरीलाई निजि विद्यालयमा नपढाउने घोषणा गरेका छन् ।

आईतवार सम्पन्न जिल्ला अधिवेशनबाट निर्वाचित पदाधिकारीहरुले सोमवार गरेको पत्रकार सम्मेलनमा उनीहरुले यस्तो प्रतिवद्धता व्यक्त गरेका हुन ।

पत्रकार सम्मेलन गर्दै पाचौ जिल्ला सम्मेलनबाट नव निर्वाति कार्य समितिका पदाधिकारीहरुले सरकारी विद्यालयमा शैक्षिक गुणस्तर उकास्नका लागि आफ्ना छोरा छोरीलाई सरकारी विद्यालयमा नै पठन पाठन गराउने बताएका हुन् ।

पत्रकार सम्मेलनमा बोल्दै नव निर्वाचित अध्यक्ष विजयकुमार थिङले सरकारी विद्यालय तथा शिक्षकमाथि निरन्तर चौतर्फि रुपमा शैक्षिक गुणस्तर कमजोर हुदै गएको भनि आलोचना भएकाले सरकारी विद्यालयमा कार्यरत शिक्षकहरु बटै शैक्षिक गुणस्तर सुधारकालागि यस्तो अभियानको थालनि गरिएको बताए ।

नेपालमा शैक्षिक विसंगतीसंग जुध्न सिन्धुली एक नया अभियान वोकेको जिल्ला बनाउन एकिकृत अखिल नेपाल शिक्षक संगठन सिन्धुलीमा आबद्ध सवै शिक्षकहरुले छोराछोरीलाई सरकारी विद्यालयमा पठन पाठन गराई शिक्षालाई एकरुपता बनाउने समेत उनले बताए ।

अवका दिनमा सार्वजनिक विद्यालयलाई अव्वल बनाई शिक्षक र सरकारी विद्यालयमाथि निरन्तर लाग्ने प्रहारलाई न्युनीकरण गरिने उहाँको भनाई छ । शैक्षिक स्तर सुधार गर्न स्थानीय तह, सरकार तथा सरोकारवाला निकायसंग सदैव समन्वय गर्न संगठन तयार रहेको समेत थिङले बताए ।

शिक्षकहरुले राजिनिति गर्दा सरकारी विद्यालयको शैक्षिक गुणसतर घटेको भन्ने पत्रकारको जिज्ञासामा नव निर्वाचि एकिकृत अखिल नेपाल शिक्षक संगठन जिल्ला समन्वय समिति सिन्धुलीका अध्यक्ष थिङले अफ्नो संगठनमा आबद्ध शिक्षकहरु राजनीतिक दलको सक्रिय सदस्य भएको पाईएमा संगठनले कारवाही गर्ने र त्यस्ता शिक्षकलाई संगठनको सदस्यबाट हटाउने बताए ।

सरकारी विद्यालयमा जागिर खाने, निजि विद्यालयमा लगानी गरि आफना छोरा छोरीलाई निजि विद्यालयमा अध्यापन गराउदा सरकारी विद्यालयको शैक्षिक गुणस्तरमा कमी आएको उनले दावि गरे । शिक्षकले आफैले पठाएको सरकारी विद्यालयमा आफ्ना छोराछोरीलाई पठन पाठन गराएमा अभिभावकप्रति सकरात्मक सोचको विकास हुने भएकाले शिक्षक नै परिवर्तन हुन जरुरी रहेको बताए ।

हालै सम्पन्न पाचौ जिल्ला सम्मेलनले विजयकुमार थिङको अध्यक्षतामा ३२ सदसिय नया कार्य समिति चयन गरेको छ । सम्मेलनमा सिन्धुलीका नौ वटै स्थानीय तहमा कार्यरत शिक्षकहरु नया कार्य समितिमा छनौट भएका छन् । सर्वसहमति बाट चयन गरिएको र सरकारी विद्यालयमा शैक्षिक गुणसतर सुधार गर्न एजेण्डा बनाएकाले शैक्षिक सरोकारवालाहरुले नयाँ कार्य समितिलिाई महत्वका साथ लिएका छन् ।

एबीसी रिर्पोटर विदुर पौडेल