काठमाडौँ, १७ चैत । नेपाल नागरिक उड्डयन प्राधिकरणले हिमालय एयरलाइन्सका तीन जना क्याबिन क्रुलाई निलम्बन गरेको छ ।
हवाई उडान मापदण्ड उल्लंघन गरेको भन्दै प्राधिकरणले बिहीबार चालक दलका ३ सदस्यलाई निलम्बन गरेको हो ।
उडानकै क्रममा रहेको जहाजभित्र नियमविपरीत फोटो खिचेको तथा भिडियो बनाएको आरोपमा प्राधिकरणले तीन जना विमान परिचारिका (क्याबिन क्रु मेम्बर)लाई कारबाही गरिएको प्राधिकरणले जनाएको छ ।
आफ्नो आधिकारिक ट्विटर ह्यान्डलमार्फत सूचना सम्प्रेषण गरेको प्राधिकरणले ती क्याबिन क्रुहरूले उडानभित्रको फोटोग्राफी र भिडियोग्राफीमा क्यानको मापदण्डको गम्भीर उल्लंघन गरेको आरोप लगाएको छ । यद्यपि, कारबाहीमा परेका ती क्याबिन क्रुहरूको परिचय भने प्राधिकरणले गोप्य राखेको छ ।
प्रतिक्रिया दिनुहोस्