बुटवल, २४ माघ ।
राष्टिय सभा सदस्यका लागि प्रदेश नं ५ अन्तर्गत दाङको घोराहीमा मतदान सकिएको छ ।
मतदानमा २ जना अनुपस्थित रहेकाछन् । अनुपस्थित हुने२ जना मध्ये रुपन्देहीकी बिना पन्त र बांकेका अहमद शाह मतदानमा सहभागि भएनन् ।
संघिय समाजबादी फोरमका बिना र बांके नैरनापुर गांउ पालिकाका अध्यक्ष शाहले मतदान नगरेको निर्वाचन अधिकृतको कार्यालयले जनाएको छ। ३ सय ५ मतदाता रहेको प्रदेश नम्बर ५ मा ३ सय ३ भोट खसेको छ ।
प्रदेशबाट आठजना राष्ट्रियसभा सदस्यका लागि भएको निर्वाचनमा ३ जना महिला भने निर्विरोध निर्वाचित भइसकेका छन् ।
नेपाली काँग्रेसबाट महिला कोटाका लागि राष्ट्रियसभा सदस्यका उम्मेदवार अनिता देवकोटा, नेकपा एमालेका तर्फबाट महिला कोटाका दाङकी कोमल वली र रोल्पाकी मीना बुढा महिला कोटामा निर्विरोध भएका हुन् ।

माघ १० गते नेकपा एमालेका चार, नेपाली काँग्रेसका चार, नेकपा माओवादी केन्द्रका तर्फबाट दुई र राष्ट्रिय जनमोर्चाबाट एकजनाले मनोनयन दर्ता गराएका थिए ।

दाङ, बाँके, बर्दिया, पूर्वी रुकुम, रोल्पा, प्यूठान, अर्घाखाँची, कपिलवस्तु, पाल्पा, रुपन्देही, गुल्मी, परासी जिल्ला गरी १२ जिल्लाका तीन खुल्ला, तीन महिला, एक दलित र एक अल्पसङ्ख्यक, अपांग गरी आठजना निर्वाचीत हुने संवैधानिक व्यवस्था छ ।

आठजना उम्मेदवारका लागि प्रदेश नं ५ का ८७ जना प्रदेशसभा सदस्य, स्थानीय तहअन्तर्गत १२ जिल्ला समन्वय समितिका संयोजक तथा सहसंयोजक, प्रमुख, उपप्रमुख, गाउँपालिका अध्यक्ष र उपाध्यक्षसमेत २१८ गरी ३०५ जना मतदाता रहेका मुख्य निर्वाचन अधिकृत हेमन्त रावलले जानकारी दिनुभयो ।

सरकारले गत माघ ३ गते रुपन्देहीलाई प्रदेशको अस्थायी मुकाम तोकेपनि अस्थायी केन्द्र नतोक्दै आयोगले उच्च अदालत रहेका स्थानमा निर्वाचन अधिकृतको कार्यालय खोलेको थियो ।