रुकुम(पश्चिम), २५ चैत । खानीमाथिबाट खसेको ढुंगाले रुकुममा आज एक जनाको मृत्यू भएको छ । खानीमा कार्यरत मजदुरको दुंगाले ज्यान गएको हो । रुकुम पश्चिम चौरजहारी नगरपालिका वडा नं ९ गुर्तालगाउँका ४३ वर्षिय ईन्द्र मल्लको मृत्यु भएको हो ।
ढुंगा लागेर मल्लको टाउको,नाक ,र कानबाट रगत बगेको थियो। अचेत अवस्थामा मल्ल लाई चौरजहारी अस्पताल पुरयाईएको थियो । अस्पतालमा प्राथामिक उपचारपछि थप उपचारको लागि नेपालगञ्ज लिदै गर्दा घाईतेको बाटोमा मृत्यु भएको हो ।
चौरजहारीमा १ वर्ष यता हवाई यातायात सेवा वन्द भएको छ । स्थानिय वासीले नियमित उडानको लागी नागरिक उडयन प्राधिकरणमा पटक पटक आग्रह गरेपनि हालसम्म उडान सुचारु भएको छैन । चौरजहारी विमान स्थलमा नियमित हवाई यातायात सेवा नहुदा रुकुम सल्यान जाजरकोट जिल्लाका जटिल विरामीहरुको ज्यान समेत जानेगरेको छ ।
प्रतिक्रिया दिनुहोस्