काठमाडौं, ३२ साउन । मौसम पूर्वानुमान महाशाखाले हाल देशैभर मनसुनी वायूको प्रभाव रहेको जनाएको छ।

बिहीबार बिहान मनसुनको न्यून चापीय रेखा पश्चिममा सरदर स्थानभन्दा केही माथि नेपालको तराई भू(भाग नजिक र पूर्वमा सरदर स्थान आसपास रहेको हो। देशैभरमा साधारणतया बादल लागेको छ । कोशी, बागमती, गण्डकी, लुम्बिनी,मधेश, कर्णाली र सुदूरपश्चिम प्रदेशको केही स्थानमा हल्कादेखि मध्यमसम्मको वर्षा भैरहेको महाशाखाले जनाएको हो।

त्यस्तै, बिहीबार दिउँसो भने देशभर साधारणतया बादल लाग्नेछ। देशका हिमाली भू(भागका केही स्थानमा मेघगर्जन र चट्याङ्ग सहित मध्यमसम्मको वर्षा–हिमपातको सम्भावना रहेको हो। देशको पहाडी भू(भागका केही स्थानमा मेघगर्जन(चट्याङ्गसहित मध्यमसम्मको वर्षाको सम्भावना छ।

कोशी, बागमती, गण्डकी, लुम्बिनी, मधेश र सुदूरपश्चिम प्रेदशको तराई भू(भागको केही स्थानमा मेघगर्जन(चट्याङ्गसहित मध्यमसम्मको वर्षाको सम्भावना रहेको हो। कोशी, बागमती, कोशी, बागमती, गण्डकी, लुम्बिनी र कर्णाली प्रदेशको पहाडी तथा तराई भू(भागको केही स्थानमा भारी वर्षाको सम्भावना रहेको महाशाखाले जनाएको छ ।

त्यस्तै, बिहीबार राति भने देशैभर साधारणतया बादल लाग्ने भएको हो। देशका हिमाली भू–भागका केही स्थानमा मेघगर्जन–चट्याङ्ग सहित मध्यमसम्मको वर्षा र हिमपातको सम्भावना छ। गण्डकी, लुम्बिनी, कर्णाली, सुदूरपश्चिम, मधेश, कोशी र बागमती प्रदेशका पहाडी र तराई भू–भागका केही स्थानमा मेघगर्जन–चट्याङ्ग सहित मध्यमसम्मको वर्षाको सम्भावना रहेको हो।

गण्डकी, लुम्बिनी र कर्णाली प्रदेशका हिमाली–पहाडी तथा तराई भू(भागको केही स्थानमा भारी वर्षाको सम्भावना रहेको महाशाखाले जनाएको छ ।