काठमाडौं । प्रधानमन्त्री केपी शर्मा ओलीले निर्माणाधीन काठमाडौँ–तराई–मधेस द्रुतमार्ग (फाष्ट ट्रयाक) आयोजनाको अवलोकन गरेका छन् ।

फास्टट्रयाक अन्तर्गतका विभिन्न स्थानको स्थलगत निरीक्षणका लागि बिहान हेलिकप्टरमार्फत ओली आयोजना स्थल पुगेका हुन् ।

काठमाडौँबाट निजगढतर्फ जाने धेद्रेमा रहेको एक दशमवल ७२८ किलोमिटर लम्बाइको सुरुङको ब्रेक थ्रू गर्ने कार्यक्रमम रहेको छ।

प्रधानमन्त्री ओलीसँगै रक्षामन्त्री मानवीर राई, अर्थमन्त्री विष्णु पौडेल, मुख्यसचिव लीलादेवी गड्तौला, प्रधानसेनापति प्रभुराम शर्मा, चीन र कोरियाका राजदूतलगायत पनि अनुगमनमा सहभागी छन्।

यो सुरुङ चीनको पोलि छ्याङ्दा कम्पनीले निर्माण गरिरहेको छ। फास्टट्रयाकमा ६ वटा सुरुङ मार्ग छन् । हरेक सुरुङ मार्गमा आउने र जाने छुट्टाछुट्टै सुरुङ छन्।

निजगढबाट काठमाडौँ आउने सुरुङको यसअघि नै ब्रेक थ्रु भइसकेको छ। लेनडाँडाका पनि दुवै सुरुङ ब्रेक थ्रु भइसकेका छन्।

छ वटा सुरुङ रहेकामा सबैभन्दा लामो महादेवटार सुरुङ ३४ सय ६८ र ३४ सय २२ मिटरका जोडी सुरुङ निर्माण भइरहेको छ।

फास्टट्र्याकमा थप तीनवटा सुरुङ पनि डिजाइनको क्रममा छन्।