न्युयोर्क ७ भदौ । ससंयुक्त राष्ट्रसंघको ७९ औं महासभामा भाग लिन अमेरिकामा रहेका बेला प्रधानमन्त्री केपी शर्मा ओली र भारतीय समकक्षी नरेन्द्र मोदीबिच भेटवार्ता भएको छ । संयुक्त राष्ट्रसङ्घको ७९औँ महासभामा भाग लिन नेपाली प्रतिनिधिमण्डल नेतृत्व गर्दै संयुक्त राज्य अमेरिकाको न्युयोर्कमा रहेका प्रधानमन्त्री ओली र छिमेकी भारतका प्रधानमन्त्री नरेन्द्र मोदीबिच आज भेटवार्ता भएको हो ।
प्रधानमन्त्री मोदी भने क्वाड लिडर्स समिट र महासंघकै समिट अफ द फ्युचर कार्यक्रमलाई म्वोधन गर्न न्यूयोर्क पुगेका थिए । समिट अफ द फ्युचरमा नेपालका प्रधानमन्त्रीको पनि सहभागिता थियो ।

दुई नेताबिच दुवै मुलुकका विदेश मन्त्री र अन्य अधिकारीसहित भेटवार्ता भएको छ । ओली प्रधानमन्त्री पदमा निर्वाचित भएपछि दुई देशका नेताहरुबिच भएको यो पहिलो भेटवार्ता हो ।
ओली प्रधानमन्त्री भएपछि चिसो प्रतिक्रिया जनाएको भारतले ओली अमेरिकामा पुग्दासम्म मोदीसँगको भेटवार्ता बारे जानाकारी गराएको थिएन । स्रोतका अनुसार एउटै कार्यक्रममा दुई देशका प्रधानमन्त्री सहभागी हुने तर भेट वार्ता नहुने कुराले भारतको अर्गेल्याईं देखिने अधिकारीहरुले सझाव दिएपछि मोदी ओलीसँगको भेटका लागि तयार भएको बताइएको छ ।