काठमाडौं, २ चैत । फोरम र राजपालाई पनि सरकारमा ल्याउने भएपछि मन्त्रालयको भागबण्डामा अप्ठेरो परेको छ ।
एमाले र माओवादी केन्द्रबीच १० र सात मन्त्रालय बाँडफाँटमा टुंगो लगाएको बाम गठबन्धनले राजपा र फोरमलाई पनि सरकारमा ल्याउनेभएपछि मन्त्रालय संख्यामा मिलाउनमा कठिनाई परेको हो ।
हिजो साँझ प्रधानमन्त्री निवास बालुवाटारमा बसेको मन्त्रिपरषद्को बैठकमा मन्त्रालयहरुको संख्या थप र पुनः गठनबारे छलफल भएको छ ।
मन्त्रालय थप र पुनः गठनबारे प्रारम्भिक छलफल गरेको महिला, बालबालिका तथा समाज कल्याण मन्त्री थममाया थापाले जानकारी दिनुभयो ।
विगतमा रहेका ३१ मन्त्रालय घटाई वर्तमान सरकारले कार्यसम्पादन नियमावली संशोधन गरी प्रधानमन्त्री तथा मन्त्रिपरिषद्को कार्यालयसहित १८ मन्त्रालय कायम गरेकामा सरकारमा संघीय समाजवादी फोरम नेपालको सहभागिता हुने भएकाले केही मन्त्रालय थप्ने गृहकार्य भएको हो ।
संविधानअनुसार संघीय सरकारका २५ सदस्यसम्म मन्त्री रहन सक्नेछन् ।
प्रधानमन्त्री केपी शर्मा ओलीले सम्भव भएसम्म आज मन्त्रिमण्डल विस्तारको तयारीमा हुनुहुन्छ ।
प्रतिक्रिया दिनुहोस्