बुटवल, २१ चैत्र ।
गत कार्तिक २१ गते हत्या भएका रुपन्देहीका बसन्त पौडेल बालु माथी गोलि प्रहार गर्ने मुख्य सुटरलाई प्रहरीले पक्राउ गरेको छ ।
प्रहरी ईन्काउण्टरमा मारिएका मनोज पुनका सहयोगी सुभाष गुरुङलाई प्रहरीले मंगलबार पोखराबाट पक्राउ गरेको जनाएको छ । पक्राउ परेका गुरुङलाई आज बुटवलमा पत्रकार सम्मेलन गदै प्रहरीले सार्वजानीक समेत गरेको छ । पत्रकार सम्मेलनमा बोल्दै रुपन्देही प्रहरी प्रमुख प्रहरी उपरिक्षक श्याम ज्ञवालीले मुख्य अभियुक्त मनोज पुन र सोम आले प्रहरी ईन्काउण्टरमा मारिएपनि उनीहरुको सहयोगी, चन्दा असुलिकर्ता तथा मतियारहरु अझै बांकी रहेकोले उनीहरुलाई प्रहरीले खोजतलास गरिरहेको बताउनुभयो ।
बालु हत्या काण्डमा संलग्न पदम चौधरी र महि नारायण चौधरीलाई प्रहरीले यस अघि नै पक्राउ गरिसकेको छ । अभियुक्तहरुले कार्तिक २१ गते रुपन्देहीको देवदहको ढेकवारमा रहेको मृतक बालुको काठ मिलमा बालुमाथी गोलि प्रहार गरि हत्या गरेका थिए । २ जानाको ईन्काउण्टर र २ जनालाई पक्राउ परेपनि बिबेक भन्ने सुभाष गरुङ भने फरार थिए । पक्राउ परेका गुरुङ भरखर भरखर अपराध कार्यमा लागेको दाबी गदै मनोजले अपराध सिकाउने र गुरुङले बन्दुक चलाउन सिक्दै गरेको प्रहरीले जनाएको छ ।