बुटवल, १७ कार्तिक ।
नेपाल कम्युनिष्ट पार्टी नेकपाका अध्यक्ष प्रचण्डले कर्मचारीतन्त्रले ऐतिहासिक परिवर्तनलाई आत्मसाथ गर्न नसकेका कारण जनताले महसुस हुने गरि सरकारको काम नदेखिएको बताउनुभएको छ ।
पार्टीको रुपन्देही जिल्ला समितीले आज बुटवलमा आयोजना गरेको शुभकामना सन्देस सभालाई सम्बोधन गर्दै अध्यक्ष प्रचण्डले संघियताको मर्म र महत्व कर्मचारीतन्त्रलाई बुझाईने र बुझ्न नचाहनेलाई निकालेर फालेर पनि संघियता कार्यान्वयन गरिने दृढ्ता ब्यक्त गर्नुभयो ।
उहांले आगामी ५ वर्षमा बिकासका पुर्वाधारहरु तयार हुने दाबी गर्दै १० वर्षमा नेपाललाई एसियाली मापदण्डका देशहरुभन्दा माथी पु¥याउने लक्षका साथ सरकार अगाडी बढेको स्पष्ट पार्नुभयो ।
नेपालमा आएको परिवर्तन प्रतिक्रीयाबादीको दयाबाट प्राप्त नभएको बताउंदै प्रचण्डले हजारौं जनताको बलिदान र त्याग र तपस्याबाट परिवर्तन आएकाले यसलाई असफल पार्ने सपना नदेख्न बिपक्षिहरुलाई आग्रह गर्नुभयो । केपी ओलीको १४ वर्ष गोलघर र माओबादीको १४ वर्ष बनबासको परिणामबाट पार्टी एकता भएको उल्लोख गर्दै उहांले पार्टी एकता भएको दिन प्रतिक्रियाबादी कित्तामा ९ रेक्टेर स्केलको भुकम्प गएको चर्चा गर्नुभयो ।
सभालाई सम्बोधन गर्दै पार्टीका महासचिव बिष्णु पौडेलले नेकपा एमाले र माओबादी केन्द्रका बिच भएको एकता केवल एकताका लागि मात्र नभएर मुलुकमा रहेको सम्पूर्ण बिभेदहरुको अन्त्यका लागि भएको बताउनुभयो ।
उहांले एकता सम्पन्न भयो भने नेतृत्व चुप लागेर नबसेको जानकारी दिंदै समाजबादी गन्तब्य पुरागर्न पार्टी नेताहरु क्रियाशिल रहेको स्पष्ट पार्नुभयो ।
कार्यक्रममा प्रदेश नम्बर ५का मुख्य मन्त्री शंकर पोखरेल, स्थायी समिती सदस्य चन्द्रप्रकाश खनाल र टोपबहादुर रायमाझी, ५ नम्बर प्रदेश कमिटीका अध्यक्ष ओनसरि घर्ती लगायतले पार्टी एकीकरणलाई छिटो भन्दा छिटो तल्लो निकायसम्म पु¥याउन आवश्यक रहेको बताएका थिए ।
एकताको सन्देश र जनताहरुलाई दशैं, तिहार र छठको शुभकामना दिन सभाको आयोजना गरिएको आयोजक नेकपा रुपन्देहीले जनाएको छ ।