काठमाडौँ, ६ बैशाख । नेकपा माओवादी केन्द्रको स्थायी कमिटी बैठक स्थगित भएको छ । सोमबार दिउँसो १ बजे बस्ने तय भएको बैठक स्थगित भएको नेता नारायणकाजी श्रेष्ठले जानकारी दिनुभयो । उहाँका अनुसार सरकारले संसद्को चालु अधिवेशन अत्यगरेपछि उत्पन्न परिस्थितिबारे अन्य राजनीतिक दलसँग छलफल गर्नुपर्ने भएकाले बैठक स्थगित गरिएको हो । सोमबार बिहान बसेको मन्त्रिपरिषद् बैठकले चालु संसद अधिवेशन अन्त्यको सिफारिस गरेको थियो । मन्त्रिपरिषद्को सिफारिस लगत्तै राष्ट्रपति विद्यादेवी भण्डारीले संसद् अधिवेशन अन्त्य गर्नुभएको छ । नेता श्रेष्ठका अनुसार आज स्थगित भएको स्थायी कमिटी बैठक मंगलबार बस्ने छ ।
प्रतिक्रिया दिनुहोस्