सप्तरी, १३ फागुन ।सप्तरीको फत्तेपुर कंचनपुर सडक खण्ड अन्तरगत कंचनरुप नगरपालिका ६ स्थित मलेठमा माइक्रोबसमा मोटरसाइकल ठोकिदा दुई जनाको मृत्यु भएको छ ।

फत्तेपुरबाट काठमाण्डौतर्फ जादै गरेको बा ४ ख ८२४ नम्बरको माइक्रो आइतबार बिहान मोडमा घुमाउने क्रममा पछाडिबाट आइरहेको को ३१ प ३३५० नम्बरको मोटरसाइकल ठोकिदा त्यसमा सवार दुई जनाको मृत्यु भएको प्रहरीले जनाएको छ ।

मृत्यु हुनेमा मोटरसाइकल चालक उदायपुरको बोल्का नगरपालिका, तपेश्वरी निवासी २५ बर्षीय राजेश कुमार साह र पछाडी सवार सुनसरी इनरुवा नगरपालिका २ निवासी २६ बर्षीय दिलिप कुमार साह रहेको इलाका प्रहरी कार्यालय कंचनपुरले जनाएको छ ।

राजेशको बिराटनगरस्थित न्यरो अस्पतालमा र दिलिपको राजविराजस्थित गजेन्द्र नारायण सिाह संगरमाथा अंचल अस्पतालमा उपचारका लागि लगिदै गर्दा बाटोमा मृत्यु भएको जिल्ला प्रहरी कार्यालय सप्तरीले जनाएको छ ।

यता दुर्घटनामा परेका सवारी साधनलाई इलाका प्रहरी कार्यालय कंचनपुरले नियन्त्रणमा लिएको प्रहरीले जनाएको छ ।