भक्तपुर । ग्यासको कालोबजारी गर्ने कार्यमा संलग्न रहेको आरोपमा भक्तपुरबाट एक व्यक्ति पक्राउ परेका छन्। प्रहरीले चाँगुनारायण नगरपालिका–२ दुवाकोट बारूदखाना चोकस्थित त्वयना किराना पसल संचालन गरेका तुलसीरामलाई पक्राउ गरेको हो।

प्रहरीले उपभोक्ताहरूलाई एलपी ग्यास प्रति सिलिन्डर सात हजार रूपैयाँको दरले बिक्री वितरण गरेको भन्ने खबर प्राप्त हुनासाथ जिल्ला प्रहरी परिसर भक्तपुरबाट खटिएको टोलीले उनलाई पक्राउ गरेको जनाएको छ।

पक्राउ परेका तुलसीरामले बजार मूल्यभन्दा धेरैमा ग्यास विक्रि गर्दै आएको आरोप लागेको छ। प्रहरीले आवश्यक अनुसन्धान गरिरहेको र दोषी ठहरिएमा कारबाही गरिने बताएको छ।

अनुसन्धान जारी

जिल्ला प्रहरी परिसर भक्तपुरले यस सम्बन्धमा थप अनुसन्धान गरिरहेको जानकारी दिएको छ। प्रहरीले पक्राउ परेका तुलसीरामलाई हिरासतमा राखेर आवश्यक विवरण लिइरहेको जनाएको छ।

यस घटनासँग जोडिएका अन्य व्यक्तिहरूको बारेमा पनि प्रहरीले खोजी गरिरहेको स्रोत बताउँछ। कालोबजारी र उपभोक्ता ठगी नियन्त्रण गर्न प्रहरीले भक्तपुर जिल्लामा विशेष ध्यान दिएको छ।

Originally published on abcnews.com.np.