काठमाडौं । एभरेस्ट वुमन्स भलिबल लिग (ईडब्लूभीएल) को तेस्रो संस्करण आगामी असोज १५ देखि २४ गतेसम्म आयोजना हुने भएको छ ।
आयोजकका अनुसार प्रतियोगिता त्रिपुरेश्वरस्थित राष्ट्रिय खेलकुद परिषद् (राखेप) कभर्डहलमा सञ्चालन हुनेछ । प्रतियोगिताको मिति नेपाल भलिबल संघले समेत स्वीकृत गरेको जनाइएको छ ।
तेस्रो संस्करणमा सात टोलीले प्रतिस्पर्धा गर्नेछन् । अघिल्ला दुई संस्करणमा ६ टोली सहभागी थिए । यसपटक नयाँ फ्रेन्चाइजका रूपमा सुदूरपश्चिम रोयल्स वारियर्स थपिएको आयोजकले जनाएको छ ।
यसअघिका दुवै संस्करणको उपाधि कर्णाली याश्विसले जितेको थियो । तेस्रो संस्करणमा पनि उपाधिका लागि सात टोलीबीच प्रतिस्पर्धा हुनेछ ।
Originally published on abcnews.com.np.
प्रतिक्रिया दिनुहोस्