काठमाडौं । नेपाली बजारमा सुनको मूल्य बिहीबार प्रतितोला ९ हजार ३०० रुपैयाँले बढेको छ। नेपाल सुनचाँदी व्यवसायी महासंघका अनुसार छापावाल सुनको मूल्य बढेर प्रतितोला ३ लाख १३ हजार ४०० रुपैयाँ पुगेको हो।

बुधबार छापावाल सुन प्रतितोला ३ लाख ४ हजार १०० रुपैयाँमा कारोबार भएको थियो।

त्यस्तै, चाँदीको मूल्य पनि बिहीबार प्रतितोला २६० रुपैयाँले बढेको छ। महासंघका अनुसार चाँदीको मूल्य प्रतितोला ४ हजार ८५५ रुपैयाँ पुगेको छ। बुधबार चाँदी प्रतितोला ४ हजार ५९५ रुपैयाँमा कारोबार भएको थियो।

अन्तर्राष्ट्रिय बजारको प्रभाव

नेपाल सुनचाँदी व्यवसायी महासंघले मूल्य वृद्धिको स्पष्ट कारण सार्वजनिक गरेको छैन। यद्यपि पछिल्लो समय अन्तर्राष्ट्रिय बजारमा सुनको मूल्यमा देखिएको वृद्धिको प्रभाव नेपाली बजारमा समेत परेको हुनसक्ने व्यवसायीहरूको भनाइ छ।

Originally published on abcnews.com.np.