काठमाडौं । राष्ट्रपति रामचन्द्र पौडेलले मंगलबार साँझ शीतल निवासमा चाँगुनारायण कलश यात्रामा सहभागी पूजारी तथा अन्य सहभागीलाई स्वागत गरेका छन्। त्यस क्रममा राष्ट्रपति पौडेलले ऐतिहासिक तथा परम्परागत चाँगुनारायण कलशमा छायाँ दर्शन गरेका हुन्।

राष्ट्रपति पौडेलले कलशमा आफ्नो छायाँ दर्शन गरी टीका, फूल तथा प्रसाद ग्रहण गरे। उनले चाँगुनारायण कलश यात्रा सफल होस् भन्ने कामनासमेत व्यक्त गरे।

परम्पराअनुसार भक्तपुरस्थित चाँगुनारायण मन्दिरबाट नारायण, लक्ष्मी र सरस्वतीका प्रतीकका रूपमा तीनवटा कलश पैदल यात्रामार्फत काठमाडौंको हनुमानढोका तथा वसन्तपुर ल्याउने गरिन्छ।

हनुमानढोका तथा वसन्तपुरमा निर्धारित विधिअनुसार पूजा सम्पन्न गरेपछि राष्ट्रप्रमुखले कलशमा आफ्नो छायाँ दर्शन गर्ने परम्परा रहेको छ।

कलश यात्राको धार्मिक महत्व

चाँगुनारायण कलश यात्रा ऐतिहासिक तथा धार्मिक महत्व बोकेको परम्परा हो। यात्राका क्रममा चाँगुनारायण मन्दिरबाट तीनवटा कलश काठमाडौं ल्याइन्छ।

तीन कलशलाई क्रमशः नारायण, लक्ष्मी र सरस्वतीको प्रतीक मानिन्छ। हनुमानढोका तथा वसन्तपुरमा विधिपूर्वक पूजा सम्पन्न गरेपछि राष्ट्रपतिबाट छायाँ दर्शन गर्ने परम्परा लामो समयदेखि चलिआएको छ।

स्थानीयवासीका अनुसार चाँगुनारायण कलश यात्राले धार्मिक आस्था तथा काठमाडौं उपत्यकाको प्राचीन सांस्कृतिक परम्परालाई निरन्तरता दिँदै आएको छ।

Originally published on abcnews.com.np.