काठमाडौं । प्रतिनिधिसभाको बैठक बुधबार दिउँसो १ बजे बस्ने भएको छ । मंगलबार बसेको कार्यव्यवस्था परामर्श समितिको बैठकले बुधबार प्रतिनिधिसभा बैठक बोलाउने निर्णय गरेको हो ।
नेकपाका प्रमुख सचेतक युवराज दुलालका अनुसार बैठकमा सबै दलका तर्फबाट एक–एक जना सांसदले धारणा राख्नेछन् । त्यसपछि रसुवाको भोटेकोसी बाढीमा परी मृत्यु भएकाहरूको शोकमा मौनधारण गरिनेछ ।
प्रतिनिधिसभाको बैठक बिहीबार पनि बस्ने तय भएको छ । यसअघि भदौ १० गते प्रतिनिधिसभाको बैठक बसेको थियो । त्यसपछि भदौ ११ गतेका लागि बोलाइएको बैठक भने अनिश्चितकालका लागि स्थगित गरिएको थियो ।
Originally published on abcnews.com.np.
प्रतिक्रिया दिनुहोस्