काठमाडौं । संसद् बैठकका क्रममा ढलेका नेपाली कांग्रेसका सांसद भरत खड्कालाई उपचारका लागि वीर अस्पताल लगिएको छ। संघीय संसद् सचिवालयका अनुसार उनलाई स्वास्थ्य उपचारका लागि अस्पताल लगिएको हो।
बिहीबार (भदौ १८) प्रतिनिधिसभाको बैठक जारी रहेकै बेला सांसद खड्का अचानक ढलेका थिए। आफ्नो बोल्ने समय सकिएपछि सिटमा बसेका उनी बसेकै ठाउँमा ढलेका हुन्।
संसद् भवनमै उनको प्रारम्भिक स्वास्थ्य जाँच गरिएको थियो। केही समय संसद् भवनमै आराम गराएपछि थप उपचारका लागि उनलाई वीर अस्पताल लगिएको सचिवालयले जनाएको छ।
Originally published on abcnews.com.np.
प्रतिक्रिया दिनुहोस्