काठमाडौं । मदन पुरस्कार गुठीले वि.सं. २०८२ को मदन पुरस्कार वीणा जोशी (राजभण्डारी)द्वारा लिखित ‘नेवार समुदायका परम्परागत मुकुन्डोनाच (नेवाः समुदायया परम्परागत ख्वापाः प्याखं)’ पुस्तकलाई प्रदान गर्ने निर्णय गरेको छ।

आइतबार बसेको मदन पुरस्कार गुठीको साधारणसभाले वि.सं. २०८२ मा प्रकाशित पुस्तकहरूमध्ये जोशीको कृतिलाई मदन पुरस्कार प्रदान गर्ने निर्णय गरेको हो।

यस वर्षको मदन पुरस्कारका लागि गुठीमा २९८ पुस्तक प्राप्त भएका थिए। तीमध्ये उत्कृष्ट १० पुस्तकलाई मदन पुरस्कारको श्रेष्ठ सूचीमा छनोट गरिएको थियो।

यसैगरी, मदन पुरस्कार गुठीले ६ दशकदेखि गीत लेखनमा सक्रिय गीतकार किरण खरेललाई वि.सं. २०८२ को जगदम्बा–श्री पुरस्कार प्रदान गर्ने निर्णय गरेको छ।

खरेल नेपाली गीत लेखनका क्षेत्रमा लामो समयदेखि सक्रिय स्रष्टा हुन्।

Originally published on abcnews.com.np.