काठमाडौं, ११ मंसिर । नेपाली भूभाग जोगाउन सीमा क्षेत्रमा सुरक्षा चौकी थप्न लागेको गृह मन्त्री रामबहादुर थापाले बताउनुभएको छ । सिंहदरबारमा बुधबार सीमा बचाऊ अभियानको ज्ञापनपत्र बुझ्दै उहाँले ‘सीमा सुरक्षा निगरानी चौकी’ बढाउन लागेको बताउनुभएको हो । ‘दश–दश किलोमिटरको अन्तरमा सुरक्षा चौकी राख्ने तयारी गरिरहेका छौं गृह मन्त्री थापाले भन्नुभयो, ।’ अहिले ३५–३५ किलोमिटरको फरकमा सुरक्षा चौकी छ ।

लिम्पियाधुरा, कालापानी, लिपुलेकलगायतका क्षेत्रमा भारतले अतिक्रमण गरेको भूमि फिर्ता गर्न कूटनीतिक पहल गर्नुपर्ने माग गरिनुको साथै सीमामा चौकी र सुरक्षाकर्मी थप्नुपर्ने, सरकारी कार्यालयबाट विवादित नक्सा हटाएर नयाँ नक्सा राख्नुपर्ने,गृह मन्त्री थापाले बताउनुभयो । यस्तै, अभियानले सुगौली सन्धि अनुसारको नेपालको वास्तविक नक्सा बनाउनुपर्ने, विज्ञ टोली गठन गर्नुपर्ने, प्रधानमन्त्रीतहबाटै वार्ताको पहल सुरु गर्नुपर्नेलगायत सुझाव दिएइको थियो ।