चितवन २९ कात्तिक । नेकपा माओवादी केन्द्रका अध्यक्ष तथा चितवन क्षेत्र नं. ३ का उमेदबार पुष्पकमल दाहल प्रचण्डले प्रधानमन्त्री देउवाको द्धैध चरित्र रहेको भन्दै आक्रोश व्यक्त गरेका छन् । चुनावी प्रचारको क्रममा आफ्नो प्रतिवद्धता पत्र सार्वजनिक गर्दै प्रचण्डले देउवालाई भने माओवादीले दउवालाई समर्थन गरेर प्रधानमन्त्री बनाउंदा संसदबाट देउवाले प्रचण्ड राजनेता हो, देशले एक राजनेता पायो भन्दै बोल्नु भयो । तर अहिले चितवनको चुनावमा आफ्नो क्षेत्रमा हलो बाकेर हिंडेको छ भन्दै आक्रो व्यक्त गरे । प्रचण्डको प्रश्न छ त्यो राजनेता अहिले के भयो ? आफूलाई बोक्दा राजनेता तर चुनाव लड्दा हलोतिर ? कुन तरिका हो यो ? प्रचण्डले थप व्याख्या गर्दै भने शान्त्ति सम्झौताको एक हस्ताक्षर कर्ता हुनुका नाताले चितवनमा कांग्रेसले विनाशर्त मलाई समर्थन गर्नुपथ्र्यो । समर्थन गर्न नसके आफ्नै उमेदबार उठाएको भए पनि हुन्थ्यो । उनको प्रश्न थियो कहां गणतन्त्रको अगुवाईको आन्दोलन कहां राजतन्त्रकाली बासी तत्वतिरका लहसाई ? यो मिलेन ।
प्रचण्डले भने कांग्रेस कम्युनिस्टहरुको एकताबाट आत्तिनु पर्दैन । यो लोकतन्त्र र स्थायित्का लागि अनिवार्य थियो । उनले भने हाम्रो एकताले कांग्रेस पनि त सुध्रिन थालेको छ ।